પગમાં છાલા પડી ગયા, છતાંય પૂરમાં ફસાયેલાં લોકોને બચાવી રહ્યા છે NDRFના જવાન

હાલ ગુજરાત સહિત દેશના વિવિધ ભાગોમાં પૂરની સ્થિતિ છે. હજારો લોકો પાણીમાં ફસાયેલા છે, ત્યારે તેમના માટે NDRFના જવાનો તારણહારની ભૂમિકા ભજવી રહ્યા છે. કુદરતી આપદા આવે ત્યારે બચાવ કામગીરી માટે સૌથી પહેલી NDRFની ટીમ જ દોડીને આવે છે. જોકે, આ ફોર્સના જવાનોનું કામ પણ ખાસ્સું પડકારજનક હોય છે. તેમાંય સૌથી મોટો પડકાર સતત પાણીમાં રહેવાનો હોય છે. હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો NDRFના જવાનો બોટ કે ટ્યૂબ દ્વારા પૂરના પાણીમાં ફસાયેલા લોકોને બચાવતા હોય છે. દિવસ-રાત જોયા વિના કામ કરતા આ જવાનો સતત પાણીમાં જ રહેતા હોય છે. જેના કારણે તેમને પગમાં ઈન્ફેક્શન પણ લાગી જતું હોય છે. જોકે, તેઓ હાલની સ્થિતિમાં તેની પણ પરવાહ કર્યા વિના રાહતકાર્યમાં જોડાયેલા છે. મહારાષ્ટ્રમાં પૂરની સ્થિતિમાં ફરજ બજાવી રહલા બે જવાનોની તસવીરો એનડીઆરએફના ઓફિશિયલ ટ્વીટર અકાઉન્ટ પર શેર કરવામાં આવી છે. જેમાં પગમાં ઈન્ફેક્શ થયું હોવા છતાંય પોતાની વેદનાને વિસરીને આ જવાનો લોકોને બચાવી રહ્યા છે તે બદલ તેમના જુસ્સાને બિરદાવવામાં આવ્યો છે.

મહારાષ્ટ્રમાં ગળા સુધી ભરાયેલા પાણીમાં NDRFએ એક મહિલાને રેસ્ક્યુ કરી