દિવ્યાંગ દંપતીની વર્ષોની કમાણી કાગળ બની
તમિલનાડુમાં અગરબત્તી વેચીને પોતાનું ગુજરાન ચલાવી રહેલા એક દિવ્યાંગ દંપતીને ત્યારે ઝટકો લાગ્યો જ્યારે તેમને માલુમ પડ્યું કે એક-એક રૂપિયો ભેગો કરીને એકઠા કરેલી રકમ હવે માત્ર એક કાગળનો ટુકડો બનીને રહી ગઈ છે. હકીકતમાં તમિલનાડુના પોઠિયા મોપાનુરે ગામમાં સોમુ પોતાની દિવ્યાંગ પત્ની સાથે મળીને આજુબાજુના વિસ્તારમાં અગરબત્તી વેચીને થોડા ઘણા રૂપિયા કમાતો હતો. તેમાંથી થોડા ઘણા પૈસા બચાવીને પોતાની માતા પાસે જમા કરી દેતા હતા.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
નોટબંધીની ખબર જ નહોતી
સોનુની માતા આ પૈસાને એકઠા કરીને તેને 500 અને 1000 રૂપિયાની નોટોમાં બદલી નાખતી અને ઘરમાં તેને સુરક્ષિત રાખતી હતી. તેમના આ ખબર જ નહોતી કે વર્ષે 2016માં થયેલી નોટબંધી બાદ જૂની 500 અને 1000 રૂપિયાની નોટો અમાન્ય થઈ ચૂકી છે.
10 વર્ષમા 24000 હજાર રૂપિયા બચાવ્યા હતા
હવે જ્યારે કોરોના વાયરસના સંક્રમણના કારણે લોકડાઉન થયું તો સોમુ અને તેની પત્નીનું કામ બંધ થઈ ગયું. આ બાદ તેમણે છેલ્લા 10 વર્ષોમાં પાઈ-પાઈ જોડીને એકઠી કરેલી રકમ ભેગી કરી, જે 24000 રૂપિયા (જૂની નોટો) હતા. તેમણે આ પૈસા પોતાની માતા પાસેથી માગ્યા.
બેંકમાં જતા માલુમ પડ્યું
જ્યારે તેઓ આ પૈસાને બેંકમાં જમા કરાવવા પહોંચ્યા તો તેમને માલુમ પડ્યું કે જેને તે પોતાની જીવનભરની કમાણી સમજી રહ્યા હતા તે તો 2016માં જ કાગળના ટુકડા બની ગયા હતા. સોમુ અને તેની પત્ની માટે આ કોઈ ઝટકાથી ઓછું નહોતું. સોમુએ નોટબંધી બાદ 500-1000 રૂપિયાની નોટો અમાન્ય થઈ હોવાની વાતની પોતાને જાણકારી નહોતી તેમ જણાવ્યું. હવે પોલીસ આ મામલે તપાસ કરી રહી છે.
મુખ્યમંત્રી પાસે માગી મદદ
આ બાદ સોમુએ પોતાના પરિવારની મદદ માટે તમિલનાડુના મુખ્યમંત્રી પલાનીસ્વામી પાસે મદદ માગી છે. જ્યારે પોલીસ આ મામલામાં દિવ્યાંગ દંપતીની પૂછપરછ કરવાની તૈયારીમાં છે. ઉલ્લેખનીય છે કે પાછલા વર્ષે પણ તમિલનાડુના તિરુપુર જિલ્લામાં આ પ્રકારનો એક મામલો સામે આવ્યો હતો. જેમાં બે વૃદ્ધ બહેનો પાસે 46,000 રૂપિયાની જૂની 500 અને 1000 રૂપિયાની નોટો હતી. તેમણે પણ પોતાને નોટબંધીની કોઈ જાણકારી ન હોવાનું જણાવ્યું હતું.