મુંબઈઃ કોરોના વાયરસની આ મહામારીના સમયમાં ડોક્ટર્સ પોતાનો જીવ જોખમમાં મૂકીને દર્દીઓની મદદ કરી રહ્યા છે. એમ્બ્યુલન્સ ન હોવાની સ્થિતિમાં તેઓ જાતે દર્દી માટે ડ્રાઈવર પણ બની રહ્યા છે. મહારાષ્ટ્રના અલીબાગમાં આવો જ કિસ્સો સામે આવ્યો, જ્યાં એક નવજાત બાળકને બચાવવા માટે ડોક્ટર રાજેન્દ્ર ચન્દ્રોરકર બાઈક લઈને ગયા. તેઓ 1.5 કિમી દૂર આવેલા નર્સિંગ હોમથી નવજાતને બાઈક પર લાવ્યા અને ઈન્ટેન્સિવ કેર યુનિટમાં એડમિટ કર્યું.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:ડોક્ટરે કરેલું આ ઉમદા કાર્ય રંગ લાવ્યું, નવજાત બાળકની સ્થિતિ હાલમાં સામાન્ય છે અને ટૂંક સમયમાં તે ઘરે જઈ શકે છે. મંગળવારે સવારે 7.30 વાગ્યે આ નવજાત બાળકનો ડો. વાજે નર્સિંગ હોમમાં જન્મ થયા હતો. જન્મસમયે તેનું વજન 2.9 કિલો હતું. જોકે જન્મ બાદ જ બાળકને શ્વાસ લેવામાં તકલીફ થવા લાગી. ઉપરાંત બાળકને સાયનોસિસ ( એક પ્રકારનો ચામડીનો રોગ) હતો. આ કારણે તેને ઈન્ટેન્સિવ કેરમાં રાખવાની જરૂર થઈ, જેને NICU પણ કહેવાય છે.બાળકની માતા 32 વર્ષની એક સ્કૂલ ટીચર છે, તેની સ્થિતિ પણ નર્સિંગ હોમમાં ગંભીર છે. આ મહિલાએ ડિલિવરી ડેટના 10 દિવસ બાદ સીજેરિયનથી બાળકને જન્મ આપ્યો. તેને ડાયાબિટિસ અને અન્ય કેટલીક બીમારીઓ હતી.નર્સિંગ હોમમાંથી ડો. ચન્દ્રકાંત વાજેએ આનંદી મેટરનિટી એન્ડ ચાઈલ્ડ હોસ્પિટલના ડો. રાજેન્દ્ર ચાંદોરકરને ફોન કર્યો, જ્યાં NICUની સુવિધા હતી. ડો. ચાંદોરકર પોતાના બાઈક પર નર્સિંગ હોમ પહોંચ્યા. પરંતુ અમ્બ્યુલન્સ કે અન્ય વ્હીકલ ન હોવાથી નવજાતને લઈ જઈ શકાય તેમ નહોતું. એવામાં નવજાતના માસી સુપ્રીયા પેટકર, જે પોતે પબ્લિક હેલ્થ સેન્ટરમાં નર્સ છે, તેમણે ડોક્ટરને બાઈક પર લઈ જવા કહ્યું, અને તેઓ પાછળ બાળકને પકડીને બેસી ગયા.બાઈક પર ડોક્ટર અને નર્સ બાળકને લઈને સમયસર હોસ્પિટલ પહોંચી ગયા. ડો. રાજેન્દ્ર ચાંદોરકરે કહ્યું, બાળકને તરત જ NICUમાં એડમિટ કરી 12 કલાક સુધી રાખવામાં આવ્યો, જ્યાં તેેને કેટલીક એન્ટીબાયોટિક્સ, ઓક્સિઝન આપીને ટ્રિટમેન્ટ કરવામાં આવી.