વી.નારયણ, મુંબઈઃ ગુજરાતી એકાઉન્ટન્ટ રાકેશ પરમાર(40) પોતાના મિત્રો સાથે મુંબઈ ફરવા ગયો હતો. જ્યાંથી પરત ફરવા માટે મુંબઈ-અમદાવાદની તેમની ફ્લાઇટ હતી. જોકે મુંબઈમાં તેમણે ખૂબ દારૂ પીધો હોય નશામાં હોવાના કારણે ફ્લાઇટ દ્વારા તેમને પ્લેનમાંથી નીચે ઉતારી દેવામાં આવ્યા હતા.
નશામાં ધૂત ગુજરાતી યુવકને લૂંટ્યો
જે બાદ પરમારે ફરી ડાન્સબારમાં જવાનું નક્કી કર્યું હતું જ્યાં તેના ટેક્સી ડ્રાઇવર અને સાથીએ પરમારની સ્થિતિનો લાભ લઈ તેની પાસેથી રોકડા અને અન્ય કિંમતી વસ્તુઓ મળીને રૂ.95000ની લૂંટ ચલાવી હતી.
લથ્થડીયા ખાતો હતો, ફ્લાઇટમાંથી ઉતાર્યો
પોલીસ અહેવાલ અનુસાર ભોગ બનનાર રાકેશને 20 જુલાઈના રોજ સાંજે મુંબઈ એરપોર્ટ ખાતે પોતાની ફ્લાઇટમાંથી ઉતારી દેવામાં આવ્યો હતો. ફ્લાઇટ ક્રૂ મેમ્બરનું કહેવું હતું કે પરમાર પ્લેનમાં સ્થિર ઉભો પણ રહી શકતો નહતો તેટલો નશામાં હતો. જેના કારણે તેને પ્લેનમાંથી ઉતારી દેવાની ફરજ પડી હતી. જે બાદ સાંજે 7-30થી રાતના 10 વાગ્યા સુધી પરમાર એરપોર્ટની અંદર જ રહ્યો હતો.
મુંબઈમાં જલસા કરવા પડ્યા મોંઘા
એરપોર્ટની બહાર નીકળીને પરમારે ટેક્સી ચાલકો પાસે આસપાસના ડાન્સબાર અંગે તપાસ કરી હતી. જેથી ટેક્સી ડ્રાઇવર અશરફ શેખ અને તેનો એક સાથી રાકેશને લઈને નજીકના એક ડાન્સબારમાં ગયા હતા. જ્યાંથી વહેલી સવારે બહાર નીકળ્યા બાદ શેખ અને તેના સાથીએ મોકાનો લાભ લઈ પરમાર પાસેથી કિંમતી વસ્તુઓની લૂંટ ચલાવી હતી અને તેને અંધેરીના ચિમતપાડા ખાતે રસ્તા પર ઉતારી નાસી ગયા હતા. પોલીસે CCTV ફૂટેજના આધારે અશરફની ધરપકડ કરી છે જ્યારે તેના અન્ય સાથીની ધરપકડ માટે પોલીસે ચક્રો ગતિમાન કર્યા છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.