મુંબઈઃ વરસાદમાં લોકલ ટ્રેનમાં ફસાયેલા પ્રવાસીઓ માટે આ યુવાનોએ જે કર્યું જાણી સલામ કરશો

મુંબઈમાં છેલ્લા કટેલાક દિવસથી સતત ભારે વરસાદ પડી રહ્યો છે. જેના કારણે અનેક ઠેકાણે પાણી ભરાયા છે તો મુંબઈની જીવાદોરી લોકલ ટ્રેનના જુદા જુદા રુટ પર પણ અસર જોવા મળી છે. અનેક ઠેકાણે રેલવે ટ્રેક પણ પાણી ભરાતા લોકલ ટ્રેન મોડી ચાલી રહી છે કે કેન્સલ કરવામાં આવી છે. તેવામાં રસ્તા વચ્ચે ટ્રેનમાં ફસાયેલા પ્રવાસીઓની વહારે તરુણો અને યુવાનો આવ્યા હતા.હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરોઆ વીડિયોમાં જોઈ શકાય છે તેમ મુલુંડ પાસે ભારે વરસાદના કારણે લોકલ ટ્રેનને કલાકો સુધી ઉભી રાખવાની ફરજ પડી હતી. જેના કારણે અનેક પ્રવાસીઓ ફસાઈ ગયા હતા. પરંતુ આ ફસાયેલ પ્રવાસીઓની વહારે સ્થાનિક ટીનેજર્સ આવ્યા અને પોતાના પોકેટમની ભેગા કરીને સ્વખર્ચે વડાપાઉં અને ચા વહેંચી હતી.