વહુએ સાસુ-સસરાને ઘરમાંથી કાઢી મૂક્યા, ડે. કમિશનરે ઘર પાછું અપાવી કહ્યું, આજથી હું તમારો દીકરો

પોતાના ઘરમાંથી વહુએ કાઢી મૂકતા ભટકી રહેલા વૃદ્ધ દંપતિને ડેપ્યુટી કમિશનરે ઘરનો કબજો પાછો અપાવ્યો. આ દરમિયાન ભાવુક થયેલા મહિંદર કૌરને ડે. કમિશનરે ગળે લગાવ્યા અને કહ્યું આજથી હું તમારો દીકરો છું. કોઈપણ મુશ્કેલી હોય તો સીધા મને જણાવજો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: વૃદ્ધ દંપતિ સલવિંદર સિંહ અને મહિંદર કૌરે ડેપ્યુટી કમિશનર પાસે સીનિયર સીટિઝન મેઈન્ટેનન્સ એક્ટ અંતર્ગત મદદ માગી હતી. તેમણે કહ્યું હતું કે, તેમના દીકરાનું મોત થઈ ગયું છે અને વહુ સાથે ઘરમાં કંકાસ ચાલી રહ્યો છે. તેમને પોતાના જ ઘરમાં રહેવા દેવામાં આવતા અને નથી અને જમીન પર ખેતી કરવાથી રોકવામાં આવી રહ્યા છે. પંજાબ હાઈકોર્ટે વૃદ્ધ દંપતિના હકમાં ચૂકાદો આપી જમીન અને ઘરનો કબ્જો તેમને આપવાનો આદેશ આપ્યો હતો. જેને વહુએ હાઈકોર્ટમાં પડકાર્યો છે. હાઈકોર્ટે અસ્થાયી રીતે રાહત આપતા વહુને બે રૂમ આપવાનો આદેશ આપ્યો છે. તેમ છતાં વહુ તેમને ઘરમાં ન રહેવા દેતી હોઈ ડેપ્યુટી કમિશનર જાતે ત્યાં પહોંચ્યા અને વૃદ્ધ દંપતિને ઘરનું પઝેશન અપાવ્યું હતું. વૃદ્ધ દંપતિને મદદ કરી રહેલા ડેપ્યુટી કમિશનર ડેપ્યુટી કમિશનર ચંદ્ર ગેંદે જણાવ્યું કે, વૃદ્ધ મહિલા મહિંદર કૌર ફરીથી તેમની સમક્ષ રજૂ થઈ અને જણાવ્યું કે કોર્ટના આદેશ છતાં તેમને વહુ ઘરમાં નથી રહેવા દેતી. આ બાદ તેઓ જાતે ગામમાં પહોંચ્યા અને હાઈકોર્ટના આદેશ મુજબ બે રૂમ વહુ માટે છોડીને આખું ઘર વૃદ્ધ દંપતિને અપાવ્યું. ડેપ્યુટી કમિશનરે વૃદ્ધ દંપતિને કહ્યું કે તે ચિંતા મુક્ત થઈને રહે. જો કોઈ તેમને હેરાન કરે છે તો નિકટના પોલીસ સ્ટેશનનો સંપર્ક કરે. આ સાથે જ ડેપ્યુટી કમિશનરે પોલીસને કહ્યું છે કે, દંપતિને કોઈ ઘરની બહાર ન કાઢે અને તે પોતાની જમીન પર ખેતી કરી શકે તેનું ધ્યાન રાખે. સાથે જ તેમણે ગ્રામ પંચાયતના બંને પક્ષોને સામ-સામે બેસાડીને સમાધાન કરાવવા માટે કહ્યું છે.