દિલ્હી સહિત ઉત્તર ભારતમાં અનેક જગ્યાએ ભૂકંપના ઝટકા, ઘરમાંથી બહાર દોડી આવ્યા લોકો

નવી દિલ્હીઃ દિલ્હી એનસીઆર સહિત સમગ્ર ઉત્તર ભારત શુક્રવારે રાતે આવેલા ભૂકંપના ઝટકાઓથી ધ્રુજી ઉઠ્યું હતું. આ ઝટકા રાતે સાડા દસ કલાકે આવ્યા હતાં. દિલ્હી, NCR, પંજાબ, હરિયાણા, રાજસ્થાન, ઉત્તરાખંડ, ઉત્તર પ્રદેશ, જમ્મુ અને કાશ્મીર સહિત સમગ્ર ઉત્તર ભારતમાં ભૂકંપના ઝટકા અનુભવાયા હતાં. આ ઝટકાઓ એટલા તીવ્ર હતા કે લોકો ગભરાઈને ઘરની બહાર નીકળી ગયા હતાં. ભૂકંપની તીવ્રતા રિક્ટર સ્કેલ પર 6.1 માપવામાં આવી છે. જોકે, સારા સમાચાર એ છે કે અત્યાર સુધીમાં કોઈ જ જાનમાલની હાનિના સમાચાર સામે નથી આવ્યા.

ભૂકંપના ઝટકા માત્ર ભારતમાં જ નહીં પરંતુ પાડોશી દેશો પાકિસ્તાન અને અફઘાનિસ્તાનમાં પણ અનુભવાયા હતાં. તાઝિકિસ્તાનમાં ભૂકંપની તીવ્રતા રિક્ટર સ્કેલ પર 6.3 માપવામાં આવી હતી. તો ભૂકંપ ભારતીય સમયાનુસાર સાડા દસ કલાકે આવ્યો હતો. તેનું કેન્દ્ર જમીનથી 80 કિલોમીટર નીચે હતું. તેની થોડીવાર પછી જ 10:34 કલાકે બીજીવાર ભૂકંપ આવ્યો હતો. જેનું કેન્દ્ર અમૃતસરમાં જમીનથી 10 કિલોમીટર હતું.

24 કલાકમાં બીજીવાર આવ્યો ભૂકંપ
શુક્રવારે રાજસ્થાનના બીકાનેરમાં પણ રિક્ટર સ્કેલ પર પણ 4.3 તીવ્રતા ધરાવતા ભૂકંપના ઝટકા અનુભવાયા હતાં.ભૂકંપનું કેન્દ્ર બીકાનેરથી આશરે 420 કિલોમીટર ઉત્તર પશ્ચિમમાં હતું. આ ભૂકંપ ભારતીય સમયાનુસાર સવારે 8:01 સપાટીથી આવ્યો હતો.

આ છે ભારતીય ઉપમહાદ્વીપમાં ભૂકંપનું કારણ
ભારતીય ઉપમહાદ્વીપમાં વિનાશકારી ભૂકંપ આવતા જ રહે છે. 2001માં ગુજરાતના કચ્છ વિસ્તારમાં આવેલા ભૂકંપમાં હજારોની સંખ્યામાં લોકો માર્યા ગયા હતાં. ભારત આશરે 47 મિલીમીટર પ્રતિ વર્ષની ગતિથી એશિયાથી ટકરાઈ રહ્યો છે. ટેક્ટોનિક પ્લેટોમાં ટક્કરના કારણે જ ભારતીય ઉપમહાદ્વીપમાં ભૂકંપ આવતા રહે છે. જોકે, ભૂઝલમાં ઉણપના કારણે પણ ટેક્ટોનિક પ્લેટોની ગતિ ધીમી પડી છે.