નવી દિલ્હીઃ અમેરિકાના રાષ્ટ્રપ્રમુખ ડોનલ્ડ ટ્રમ્પની દીકરી ઈવાંકા ટ્રમ્પ સોમવારે ભારત પ્રવાસ પર પહોંચ્યા છે. આ દરમિયાન તેમણે અમારા સહયોગી ધ ટાઈમ્સ ઓફ ઈન્ડિયા સાથે ભારત અને અમેરિકાના પ્રગતિશીલ સંબંધો પર વાત કરી. ઈવાંકાએ કહ્યું, “દુનિયાના સૌથી મોટા લોકતંત્રિક દેશોની વાત કરીએ.. તો આપણે એક સાથે મળીને ઘણું બધું કરી શકીએ છીએ અને આપણે કરવું જોઈએ. અમારી એક જેવી જ પ્રાથમિકતાઓ છે, અમે બન્ને દેશ આર્થિક ઉન્નતિ અને સુધારમાં વધારો કરી રહ્યા છે, આતંકવાદ સામે લડી રહ્યા છીએ અને સુરક્ષા સહયોગને આગળ વધારી રહ્યા છીએ.”
‘ભારતની મોટી પ્રશંસક છું’
એક સફળ ઉદ્યમી તરીકે ઓળખ બનાવનાર ઈવાંકા ગ્લોબલ આંત્રપ્રેન્યોર સમિટ (GES)માં ભાગ લેવા માટે હૈદરાબાદમાં છે. આ પ્રસંગે ટાઈમ્સ ઓફ ઈન્ડિયા સાથે એક વિશેષ ઈન્ટર્વ્યુમાં ઈવાંકાએ જણાવ્યું, “સપ્ટેમ્બરમાં મને ભારતના વિદેશ મંત્રી સુષ્મા સ્વરાજને ન્યુયોર્કમાં મળવાનું સૌભાગ્ય મળ્યું હતું, ત્યારે UN જનરલ એસેમ્બલીમાં ભાગ લેવા માટે આવ્યા હતા. ત્યારે મે તેમને જણાવ્યું હતું કે હું ભારતના ઇતિહાસ અને સંસ્કૃતિની મોટી પ્રશંસક છું, અને હું અહીં થઈ રહેલી સતત પ્રગતિની કામના કરું છું, ખાસ કરીને મહિલાઓ સાથે જોડાયેલી પ્રગતિની. હું આ વાત પર વડાપ્રધાન મોદી સાથે પણ આગળ વધવાનું વિચારી રહી છું. હું મારી ભારત યાત્રાને લઈને ઘણી ઉત્સુક છું અને આશા કરું છું કે ભારતને વધુ જાણવા માટે અહીં ફરી આવીશ.”
ભારતને અમેરિકા સાથે સરખાવ્યું
ઈવાંકાએ કહ્યું કે, “આજના સમયમાં વૈશ્વિક રીતે સૌથી મોટો પડકાર એ છે કે અમેરિકા, ભારત અને ત્યાં સુધી કે આખી દુનિયાના નાગરિકો માટે આર્થિક પ્રગતિ અને આર્થિક સંપન્નતાના અવસર ઉભા કરવામાં આવે. જે રીતે અમેરિકાના રાષ્ટ્રપ્રમુખ ટ્રમ્પ અમેરિકાના લોકો માટે સખત મહેનત કરી રહ્યા છે. આજ રીતે વડાપ્રધાન મોદી પણ ભારતની પ્રજા માટે આર્થિક તકોને વધારવા માટે મહેનતની સાથે પ્રયત્નો કરી રહ્યા છે. ખાસ કરીને અહીંની સ્ત્રીઓ માટે.”
મહિલાઓનો વિકાસ
GES પર ચર્ચા કરીને ઈવાંકાએ કહ્યું, “આવું પહેલી વાર છે, જ્યારે આ વર્ષ આ કાર્યક્રમમાં ભાગ લેનારા લોકોમાં 50 ટકાથી વધુ મહિલાઓ હશે. મને આશા છે કે આ વખતે GES 2017 વૈશ્વિક ઉત્સવ બને અને આ મહિલા આંત્રપ્રેન્યોરની પ્રગતિમાં મહત્વની કડી સાબિત થાય. જ્યારે મહિલા સારું કરે છે, તો સમુદાય અને દેશ પણ આપમેળે પ્રગતિ કરે છે.”
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.