ખેડૂત પુત્રીની મદદ આવ્યા યોગી આદિત્યનાથ, તાત્કાલિક મંજૂર કરી લાખો રૂપિયાની મદદ

લખનઉ: ઉત્તર પ્રદેશના મુખ્યમંત્રી યોગી આદિત્યનાથે હૃદય સંબંધિત બીમારીથી ઝઝૂમી રહેલી એક B.ed વિદ્યાર્થીનીની મદદ કરી. અસલમાં આ વિદ્યાર્થિનીની હાર્ટ સર્જરી થવાની છે અને તેના માટે આશરે 9.90 લાખ રૂપિયાનો ખર્ચ થશે તેમ ડૉક્ટર્સે કહ્યું હતું. ત્યારબાદ આ યુવતીએ સોશિયલ મીડિયા પર એક અપીલ કરી હતી. આ બાબત ધ્યાનમાં આવતા જ મુખ્યમંત્રી યોગી આદિત્યનાથે એ તાત્કાલિક કાર્યવાહીના આદેશ આપ્યા. CMએ તાત્કાલિક પોતાના ફંડમાંથી 9.90 લાખ રૂપિયા મંજૂર કર્યા. મુખ્યમંત્રીએ પીડિત યુવતીના પિતાના પત્ર લખીને તેના જલ્દી સ્વસ્થ થવા અને આગળનું શિક્ષણ ચાલુ રાખવાની શુભેચ્છાઓ આપી છે.

ગોરખપુરની રહેવાસી છે વિદ્યાર્થિની

બીમાર યુવતી ગોરખપુર જિલ્લાના કેપિયરગંજના મછલીગાંવની રહેવાસી છે. પોતાની બીમારી વિશે ખબર પડતા અને હોસ્પિટલનો અંદાજિત ખર્ચ સામે આવ્યા બાદ મુધિલિકાએ સોશિયલ મીડિયા પર PM અને CMને આર્થિક મદદ માટે અપીલ કરી. સોશિયલ મીડિયા પર મધુલિકાએ લખ્યું કે, તેના પિતા રાકેશ ચંદ્ર ખેડૂત છે. તે નાની હતી ત્યારે માતાનું અવસાન થઈ ગયું હતું. બે ભાઈ છે, જે ભણવાની સાથે-સાથે ખેતીમાં પિતાની મદદ પણ કરે છે.

મધુલિકાના બંને વાલ્વ ખરાબ

મધુલિકાએ જણાવ્યું કે, થોડા દિવસ પહેલા તેણે ગોરખપુરની પ્રાઈવેટ હોસ્પિટલમાં ચેકઅપ કરાવ્યું. અહીં ડૉક્ટર્સે જણાવ્યું કે, તેના હૃદયના બંને વાલ્વ ખરાબ છે. ત્યારબાદ મધુલિકાનો ભાઈ તેને લઈને KGMU અને PGIમાં લઈ ગયો પણ કોરોનાને કારણે સારવાર કરવાની ના પાડી દીધી. હવે મધુલિકાને મેદાંતા હોસ્પિટલમાં એડમિટ કરવામાં આવી છે જ્યાં ડૉક્ટર્સનું કહેવું છે કે, તેના બંને વાલ્વ બદલવાનો ખર્ચ 9 લાખ 90 હજાર રૂપિયા આવી શકે છે.

CM યોગીએ કરી 9.90 લાખ રૂપિયાની મદદ

મધુલિકા માટે આર્થિક મદદ રજૂ કર્યા બાદ યોગી આદિત્યનાથે વિદ્યાર્થિનીના પિતાને પત્ર લખ્યો, જે સોશિયલ મીડિયા પર વાયરલ થયો છે. આ પત્રમાં મુખ્યમંત્રીએ કહ્યું, 'મને ખબર પડી છે કે, તમારી પુત્રી કુમારી મધુલિકા મિશ્રાના હૃદયના બંને વાલ્વ ખરાબ થઈ ગયા છે, જેની સર્જરી કરાવવાની છે પરંતુ આર્થિક તંગીને કારણે તે શક્ય નથી થઈ રહી. તેને 9.90 લાખ રૂપિયા મુખ્યમંત્રી વિવેકાધીન કોષમાંથી ગ્રાન્ટ કરવામાં આવ્યા છે. આશા છે કે, આ રકમથી તેની સર્જરી સકુશળ પૂરી થઈ જશે અને તે જલ્દીથી સ્વસ્થ થઈને આગળનું શિક્ષણ શરૂ રાખશે.'