ખેડૂતે હાઈવેના ડિવાઈડર ઉપર જ ઉગાડ્યો પાક, અધિકારીઓ ખબર પડી તો દોડતા થઈ ગયા

મધ્યપ્રદેશમાં એક અલગ પ્રકારની ઘટના સામે આવી છે. અહીં એક ખેડૂતે ફોર લેન હાઈવે વચ્ચે બનેલા ડિવાઈડર ઉપર જ પાક ઉગાડી દીધો. હવે અહીં સોયાબિનનો પાક લહેરાઈ રહ્યો છે.

બૈતૂલથી ભોપલ માટે NHAIએ ફોરલેન હાઈવે બનાવ્યો છે. આ હાઈવે વચ્ચે બનાવેલા ડિવાઈડર પર જ લોકોએ ખેતી કરવાની શરૂ કરી દીધી. લાલા યાદવ નામના ખેડૂતે 10 ફૂટ પહોંળા અને 300 ફૂટ લાંબા ડિવાઈડર પર સોયાબીનના વાવી દીધા. હવે અહીં સોયાબીનનો પાક જોવા મળી રહ્યો છે. હાઈવે પર પસાર થતા લોકો પણ આ જોઈને ચોંકી જાય છે કે સામાન્ય રીતે ફૂલ છોડ હાઈવે પર લગાવવામાં આવે છે અહીં તો ખેતી જ થવા લાગી છે.

આ ઘટનાની જાણ અધિકારીઓને થતા તો તેઓ દોડતા ઘટના સ્થળે પહોંચી ગયા અને જોઈને ચોંકી ગયા. આ મામલે અધિકારીઓએ તપાસના આદેશ આપ્યા છે અને જલદી રિપોર્ટ આપવા માટે કહ્યું છે. ખેતી કરનારા ખેડૂત લાલા યાદવે કહ્યું કે તે પોતાના ખેતરમાં સોયાબીનની વાવણી કરી રહ્યો હતો. આ દરમિયાન 5 કિલો સોયાબીન વધતા હતા તો તેણે ડિવાઈડરની ખાલી જમીન પર વાવી દીધા. હવે જોવાનું રહેશે કે સરકાર આ મુદ્દે શું પગલાં ભરે છે.