પ્રતિકાત્મક તસવીરએક રૂપિયાની માચીસ માટે સરકારી વિભાગના કર્મચારીઓ વચ્ચે બબાલ મચી ગઈ. મામલો સરકાર છે, તો ફરિયાદ પણ સરકારી રીતે જ કરવામાં આવી અને અધિકારીએ પોતાના સીનિયર અધિકારી વિરુદ્ધ ફરિયાદ પત્ર લખી નાખ્યો.
એન્જિનિયરે સીનિયરને આપી ધમકી
આ પત્ર વાઈરલ થયા બાદ વિવાદ એટલો વધી ગયો છે કે પોલીસને પણ તેમાં વચ્ચે આવવું પડ્યું છે. મામલો ઉત્તર પ્રદેશના મુરાદાબાદના વિજળી વિભાગનો છે. અહીંયા એક મદદનીશ ઈજનેરે પોતાના સીનિયર અધિકારી દ્વારા માચીસ ઉધાર લેવાના મામલામાં લેખિતમાં ફરિયાદ કરી છે.
એડિશનલ એસપીએ કર્યું ટ્વીટ
એડિશનલ એસપી રાહુલ શ્રીવાસ્તવએ મામલામાં મજા લેતા ટ્વીટ કર્યું, ન આપે તો જણાવજો, કાયદા મુજબની કાર્યવાહી કરીશું. હકીકતમાં મુરાદાબાદ વિજળી વિભાગમાં આસીસ્ટન્ટ અભિયંતા સુશીલ કુમારે કાર્યાયલના સહાયક મોહિતને ફરિયાદ પત્ર લખીને જણાવ્યું કે, ઓફિસમાં કામ વધારે હોવાથી મોડી રાત સુધી રોકાઈને કામ કરવું પડે છે.
19 દિવાસળી હતી માચીસના બોક્સમાં
સુશીલ કુમારે લખ્યું કે 3 જાન્યુઆરી 2018ની સાંજે ઓફિસમાં કામ કરતા સમયે લગભગ 8.40 વાગ્યે મોહિતે માચીસ લીધી હતી, જેમાં 19 દિવાસળી હતી. પરંતુ 1લી ફેબ્રુઆરી થવા છતા માચીસ પાછી આપવામાં ન આવી. આ કારણે તેને મોડી રાત્રે લાઈટ જતી રહેવા પર પરેશાની થઈ રહી છે.
પત્ર લખીને પાછી માંગી માચીસ
આ સાથે જ ફરિયાદ પત્રમાં લખ્યું કે જો કોઈ પગલું નહીં લેવામાં આવે તો, ઉચિત કાર્યવાહી કરશે. પત્રમાં લખ્યું કે, તમને આદેશ આપવામાં આવે છે કે પત્ર મળ્યાના ત્રણ દિવસની અંદર માચીસ આપવી, જેથી ભવિષ્યમાં કોઈ વિવાદની સ્થિતિ ઉત્પન્ન ન થાય અને એકબીજા પર વિશ્વાસ ટકી રહે. નહીં તો કોઈપણ પ્રકારની કાર્યવાહી માટે તમે પોતે જ જવાબદાર હશો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.