રાજસ્થાનમાં હાર્દિક પટેલ વિરૂધ્ધ નોંધાઇ પોલીસ ફરિયાદ

નવગુજરાત સમય.કોમ

પાટીદાર આંદોલન દરમિયાન હાર્દિક પટેલ રાજદ્રોહના કેસમાં નવ મહિના જેલમાં વિતાવ્યા બાદ 6 મહિના ગુજરાત બહાર રહેવાના શરતી જામીન મળ્યા હતા. રાજસ્થાન જતાની સાથે જ હાર્દિક પટેલ સામે પોલીસ ફરિયાદ નોંધાઇ છે.

સુરત લાજપોર જેલમાંથી જામીન મળ્યા બાદ બે દિવસ રાજ્યભરમાં રોડ શો કરી હાર્દિક પટેલ પોતાના કાફલા સાથે રાજસ્થાન તરફ જતો હતો. આ સમયે રસ્તામાં આવતા નેગડિયા ટોલ બુથ ઉપર ટોલટેક્ષ ચૂકવાનો હોય છે પરંતુ પાટીદાર નેતાએ ટોલટેક્ષ ન ચૂકવ્યો અને ટોલ બૂથના કર્મચારીઓ સાથે અભદ્ર વર્તન અને હાર્દિકના સમર્થકોએ ધણકી આપતા તેની સામે પોલીસ ફરિયાદ દાખલ કરવામાં આવી છે.

આ ફરિયાદ દેલવાડા પોલીસ મથકમાં હાર્દિક પટેલ સામે નોંધવામાં આવી છે. તેની સામે આઈપીસીની કલમ ૧૪૩, ૩૪૮ મુજબ ગુનો નોંધી આગળની કાર્યવાહી પોલીસે હાથ ધરી છે. આમ એક તરફ આંદોલનમાં પોતાના હકની વાતો કરતા નેતાઓ દેશના નીતિ નિયમોનું પણ પાલન નથી કરતા.