વોલેન્ટિયર્સને બે ડોઝ અપાયા
વોલેન્ટિયર્સને હાલ વેકસિનનો બીજો ડોઝ અપાઈ રહ્યો છે, ત્યાર તેમના બ્લડ સેમ્પલ લઈને રસી દ્વારા તેમનામાં કોરોના સામે લડવાની ક્ષમતા કેટલા સ્તરે ડેવલપ થઈ છે તે ચકાસવામાં આવી રહ્યું છે. અત્યારસુધીની માહિતી પ્રમાણે આ રસી સેફ છે. તેની અસર જાણવા માટે વોલેન્ટિયર્સના બ્લડ સેમ્પલનો અભ્યાસ ચાલી રહ્યો છે. પહેલા તબક્કાનું હ્યુમન ટ્રાયલ ઓગસ્ટ મહિનાના અંત સુધીમાં સમાપ્ત થઈ જાય તેવી શક્યતા છે તેમ સવિતા વર્માએ માહિતી આપતા કહ્યું હતું.
અત્યારસુધીની ટ્રાયલ સેફ રહી
AIIMS, દિલ્હી સાથે સંકળાયેલા પ્રિન્સિપાલ ઈન્વેસ્ટિગેટર સંજય રાયના જણાવ્યા અનુસાર, અહીં 16 વોલેન્ટિયર્સ પર રસીનું પરિક્ષણ કરવામાં આવી રહ્યું છે. અત્યારસુધીની ટ્રાયલ સેફ પુરવાર થઈ છે. દુનિયાના અનેક દેશોમાં કોરોનાની રસી બનાવવાની પ્રક્રિયા ચાલી રહી છે, ત્યારે ભારતમાં Covaxin અત્યારે ટ્રાયલના સૌથી એડવાન્સ તબક્કામાં પહોંચી છે. સરકાર પણ રસી વિકસાવવાની સમગ્ર પ્રક્રિયા પર નજર રાખી રહી છે.
12 સેન્ટર પર પરિક્ષણ ચાલુ
દેશના 12 સેન્ટર્સ પર Covaxinનું પરિક્ષણ ચાલી રહ્યું છે. તેના અત્યારસુધી જે ડેટા સામે આવ્યા છે તે ખાસ્સા સંતોષજનક છે. કંપની આ માહિતી ડ્રગ કંટ્રોલર જનરલ ઓફ ઈન્ડિયા સમક્ષ રજૂ કરશે, અને જો બધું સમૂસૂતરું પાર પડ્યું તો 2021ના મધ્ય સુધીમાં આ રસી બજારમાં ઉપલબ્ધ થઈ જશે તેમ એક સૂત્રએ પોતાની ઓળખ જાહેર ના કરવાની શરતે જણાવ્યું હતું.
બે તબક્કામાં થાય છે હ્યુમન ટ્રાયલ
કોઈપણ વેક્સિનનું પ્રાણીઓ પર ટ્રાયલ કર્યા બાદ તેનું બે તબક્કામાં હ્યુમન ટ્રાયલ થાય છે. જેમાં પહેલા તબક્કામાં અમુક ચોક્કસ સંખ્યામાં લોકોને રસીના ડોઝ અપાય છે, અને તેની શું અસર થઈ રહી છે તેનો ઝીણવટપૂર્વક અભ્યાસ કરાય છે. આ પરિક્ષણ જો સફળ રહે તો બીજા તબક્કામાં વિશાળ સંખ્યામાં લોકોને તેનો ડોઝ અપાય છે, અને તેની વિશાળ સમુદાય પર થયેલી અસરનો વિગતવાર અભ્યાસ કર્યા બાદ જો સરકાર મંજૂરી આપે તો તેને બજારમાં ઉતારાય છે.