અચાનક તૂટી પડ્યો ફૂટપાથનો સ્લેબ અને ચાલતો જતો યુવક ધરતીમાં સમાઈ ગયો, જુઓ વિડીયો

સિરોહી: આપણે ક્યારેક ગમ્મતમાં એવું કહેતા હોઈએ છીએ કે ધરતી માર્ગ આપે તો અંદર સમાઈ જવું છે. પરંતુ આ યુવકે કદાચ ધાર્યું પણ નહીં હોય કે તેની સાથે ખરેખર આવું બનશે. દુકાનની બહાર પગ મૂકશે અને સીધો જ ધરતીમાં સમાઈ જશે. ઘટના રાજસ્થાનના સિરોહીની છે. જ્યાં નાળા પર બનેલા ફૂટપાથનો એક ભાગ અચાનક જ તૂટી પડ્યો. ઘટનામાં બે લોકો ઈજાગ્રસ્ત થયા છે. રૂંવાડા ઊભા કરી નાખતી આ ઘટનાના સીસીટીવી ફૂટેજ સામે આવ્યા છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોવિડીયોમાં દેખાય છે કે, બે યુવકો ફૂટપાથ પરથી પસાર થઈ રહ્યા હતા એ વખતે અચાનક જ ફૂટપાથનો એક ભાગ તૂટી પડ્યો. અને બંને યુવકો નાળામાં પડી ગયા. વિડીયો પરથી અંદાજો લગાવી શકાય છે કે એક દુકાન જેવી જગ્યા છે. જ્યાંથી એક યુવક બહાર નીકળી રહ્યો હતો અને એક અંદર જઈ રહ્યો હતો એ વખતે જ સ્લેબ તૂટી પડ્યો હતો.બંને યુવકોને નાળામાંથી બહાર કાઢીને તાત્કાલિક હોસ્પિટલમાં દાખલ કરવામાં આવ્યા છે. ફૂટપાથનો સ્લેબ માથા પર પડતાં બંને યુવકોને ગંભીર ઈજા થઈ છે. આ ઘટના શુક્રવારે બની હતી. આ ઘટનાનો વિડીયો સોશિયલ મીડિયા પર ખૂબ વાયરલ થઈ રહ્યો છે. ઘાયલ થયેલા બંને યુવકોને સ્થાનિક હોસ્પિટલમાં દાખલ કરવામાં આવ્યા છે.