પ્રધાનમંત્રી નરેંદ્ર મોદી સ્વતંત્રતા દિવસે લાલ કિલ્લા પરથી દેશને સંબોધિત કરશે. 15 ઓગસ્ટે પ્રધાનમંત્રી મોદીના ભાષણને લઈને મંત્રીઓની એક ટીમ એક્શનમાં છે. ગૃહમંત્રી રાજનાથ સિંહના નેતૃત્વમાં મંત્રીઓની એક ટીમ અનઔપચારિક રીતે PMના ભાષણ માટે કંટેન્ટ એકઠું કરી રહી છે. આ ભાષણને ખાસ કરીને 2019ની ચૂંટણીઓને ધ્યાનમાં રાખીને તૈયાર કરાશે.
15 ઓગસ્ટે લાલ કિલ્લાથી કરશે સંબોધન
2019ની લોકસભા ચૂંટણી માટે ભાજપે તૈયારીઓ કરી લીધી છે અને તેની એક ઝલક લાલ કિલ્લા પરથી દેશના નામે થતાં સંબોધનમાં પણ જોવા મળશે. અમારા સહયોગી ઈકોનોમિક ટાઈમ્સને સૂત્રોએ આપેલી માહિતી પ્રમાણે, પ્રધાનમંત્રી મોદી ઈચ્છે છે કે, સ્વતંત્રતા દિવસે દેશના નામે થનારા સંબોધનમાં માત્ર આંકડાકીય માહિતી ન હોય. ભાષણમાં રાજકીય પાસું પણ હોવું જોઈએ. એટલે આ ભાષણને 2019ની ચૂંટણીને ધ્યાનમાં રાખીને તૈયાર કરવામાં આવશે.
રાજનાથ સિંહના નેતૃત્વમાં મંત્રીઓની ટીમ
PM મોદીનું ભાષણ તૈયાર કરનારા મંત્રીઓમાં વિદેશ મંત્રી સુષમા સ્વરાજ, માર્ગ અને પરિવહન મંત્રી નિતિન ગડકરી, કાર્યકારી નાણામંત્રી પીયૂષ ગોયલ સામેલ છે. સૂત્રોના મતે ભાષાણ માટે ઈનપુટ એકત્ર કરવાની આ પ્રક્રિયા ચર્ચા આધારિત હશે. સામાન્ય રીતે કેબિનેટ કક્ષાના સચિવ પોતાના સ્તરે ભાષણ આપવા માટે ઈનપુટ આપવાનું કામ કરે છે.
સ્વતંત્રતા દિવસનું ભાષણ મહત્વનું
સ્વતંત્રતા દિવસે પ્રધાનમંત્રીના ભાષણ પર ગંભીરતાથી ધ્યાન આપવામાં આવે છે કારણકે ભાષણ દ્વારા પ્રધાનમંત્રી પોતાની સરકારની મહત્વપૂર્ણ સિદ્ધિઓ વિશે વાત કરે છે. સાથે જ દેશના મહત્વપૂર્ણ મુદ્દાઓ પર સરકારની રણનીતિ શું છે તેનો પણ ઉલ્લેખ કરે છે. પ્રધાનમંત્રી નરેંદ્ર મોદીએ લાલ કિલ્લા પરથી રાષ્ટ્રના નામે કરેલા સંબોધનમાં જ સ્વચ્છતા મિશન, ટ્રિપલ તલાક જેવા મુદ્દા ઉઠાવ્યા હતા. પીએમના ભાષણ માટે અન્ય મંત્રીઓને પણ ઈનપુટ આપવાનું કહેવાયું છે.
શિવાની જોષી છેલ્લા સાત વર્ષથી વધુ સમય કરતાં પત્રકારત્વના ક્ષેત્રમાં છે. કારકિર્દીની શરૂઆતથી જ તેઓ ન્યૂઝ એડિટિંગના કામનો અનુભવ ધરાવે છે. તેમણે ગુજરાત યુનિવર્સિટી સંલગ્ન કોલેજમાંથી ગ્રેજ્યુએશન (બીકોમ) કર્યું છે. ત્યારબાદ ગુજરાત યુનિવર્સિટીના જ માસ કમ્યુનિકેશન, જર્નાલિઝમ એન્ડ પબ્લિક રિલેશન ડિપાર્ટમેન્ટમાંથી પોસ્ટ ગ્રેજ્યુએશનની ડિગ્રી મેળવી અને પત્રકારત્વના ક્ષેત્રે જોડાયા. તેઓ વીટીવી ન્યૂઝ, એબીપી અસ્મિતા જેવી ન્યૂઝ ચેનલ સાથે કામ કરી ચૂક્યા છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.