જમ્મુ-કાશ્મીરના પૂર્વ ગવર્નર ગિરિશ ચંદ્ર મૂર્મૂની દેશના નવા CAG તરીકે નિયુક્તિ

નવી દિલ્હીઃ જમ્મુ-કાશ્મીરના પૂર્વ લેફ્ટનેન્ટ ગવર્નર ગિરિશ ચંદ્ર મૂર્મૂને નવા CAG ઘોષિત કરવામાં આવ્યા છે. સરકારે તેમને જે દિવસે CAG ઘોષિત કર્યા તેના બરોબર એક વર્ષ પહેલા કાયદાની મદદથી જમ્મુ-કાશ્મીરનું વિભાજન કરીને બે કેન્દ્ર શાસિત પ્રદેશ જમ્મુ-કાશ્મીર અને લદ્દાખ એમ ઘોષિત કરવામાં આવ્યા હતા.

જ્યારે પૂર્વ કેન્દ્રિય મંત્રી મનોજ સિન્હાના જમ્મુ-કાશ્મીરના નવા લેફ્ટનેન્ટ ગવર્નર નિયુક્ત કરવામા આવ્યા છે. ગિરિશ ચંદ્ર મૂર્મૂ રાજીવ મહર્ષીની જગ્યા લેશે. મહર્ષિ 1978ના રાજસ્થાન કેડરના IAS અધિકારી છે.

ઉલ્લેખનીય છે કે ગિરિશચંદ્ર મુર્મુ 1985 ની બેચના ગુજરાત કેડરના આઈએએસ અધિકારી છે જેમણે ગાંધીનગર તેમજ દિલ્હીમાં પીએમ મોદી અને ગૃહ મંત્રી અમિત શાહ સાથે નજીકથી કામ કરેલું છે. ગુજરાતમાં નરેન્દ્ર મોદી જ્યારે મુખ્યમંત્રી હતા ત્યારે તેમણે પ્રિન્સિપાલ સેક્રેટરી તરીકે કામ કર્યું હતું.

જમ્મુ-કાશ્મીરને બે કેન્દ્રશાસિત પ્રદેશો, જમ્મુ અને કશ્મીર અને લદ્દાખમાં વિભાજીત થયા ત્યારે તેમને J&K કેન્દ્રશાસિત રાજ્યના પ્રથમ LG બનાવાયા હતાં. તે પહેલાં સમયે ખર્ચ સચિવ તરીકે કામ કરતા હતાં.