લોકસભા અને રાજ્યસભાની બેઠકોમાં વધારો કરવા પૂર્વ રાષ્ટ્રપતિએ કર્યું સૂચન

નવી દિલ્હી: પૂર્વ રાષ્ટ્રપતિ પ્રણવ મુખર્જીએ કહ્યું કે, લોકશાહીમાં બહુમતી સ્થિર સરકાર બનાવવા માટે મળે છે. પૂર્ણ બહુમતી ન મળવી તમને બહુમતીવાદી સરકાર બનાવવાથી રોકે છે. આ સંસદીય લોકશાહીનો સંદેશ છે અને તેની આત્મા છે. પૂર્વ રાષ્ટ્રપતિએ દિલ્હીમાં આયોજિત દ્વિતીય અટલ બિહારી વાજપેયી મેમોરિયલ લેક્ચરમાં આ વાત કરી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial તે સાથે જ તેમણે લોકસભાની બેઠકોની સંખ્યાને વધારીને 1000 કરવાનું સૂચન પણ કર્યું. તે સાથે જ તેમણે રાજ્યસભાની બેઠકો વધારવાની વાત પણ કરી. પ્રણવ મુખર્જીએ કહ્યું કે, જનપ્રતિનિધિઓ માટે હાલ તેમનું ચૂંટણી ક્ષેત્ર ઘણું મોટું હોય છે અને તેને સંભાળવું ઘણું મુશ્કેલ કામ હોય છે. પ્રણવદાએ કહ્યું કે, છેલ્લે લોકસભાની બેઠકોની સંખ્યા 1977માં વધારાઈ હતી. ત્યારે 1971ની વસ્તી ગણતરીના આધારે બેઠકો વધારવામાં આવી હતી, જે એ સમયે 55 કરોડ હતી. તેમણે કહ્યું કે, દેશની વસ્તી ત્યારથી લઈને અત્યાર સુધીમાં બેગણીથી વધુ થઈ ગઈ છે. એવામાં દેશમાં બેઠકોના સીમાંકનની ઘણી જરૂર છે. તેમણે કહ્યું કે, એવી સ્થિતિમાં બેઠકોની સંખ્યા પણ વધારીને 1000 કરવી જોઈએ. આ પ્રસંગે પ્રણવ મુખર્જીએ પૂર્વ વડાપ્રધાન અટલ બિહારી વાજપેયીની પ્રસંશા કરતા કહ્યું કે, તે બધાને સાથે લઈને ચાલનારા નેતા હતા. તેમણે કહ્યું કે, દેશએ 1952માં પહેલી સંસદીય ચૂંટણીથી લઈને અત્યાર સુધી ઘણા પક્ષોને બહુમતી આપી છે, પરંતુ કોઈપણ પાર્ટીને 50 ટકાથી વધુ મત નથી આપ્યા.