દોસ્ત દોસ્ત ના રહા, 18 વર્ષના યુવકની હત્યા કરી તેની જ બાઈકના પેટ્રોલથી સળગાવી દીધો મૃતદેહ

નવી દિલ્હીઃ હરિયાણાના પાણીપત જિલ્લામાં મિત્રો જ 18 વર્ષીય યુવકની તેના દોસ્તોએ ચાકૂના અનેક ઘા મારીને ક્રૂર હત્યા કરી દીધી. દોસ્તનો વાંક માત્ર એટલો હતો કે તેને નશાના કારણે પોતાના બંને દોસ્તોનો સાથ છોડી દીધો હતો. આ ચોકાવનારી ઘટના પાણીપતની રાજીવ કોલોનીનો છે જ્યાં 23 જાન્યુઆરીની રાત્રે સોહેલ અંસારીની તેના જ દોસ્તોએ ઘરમાં ઘૂસીને તેની પર તાબડતોડ વાર કર્યા અને તેને મોતને ઘાટ ઉતારી દીધો.

મૃતકના પિતાએ જણાવ્યું કે, બંને આરોપી નશો કરે છે, જેનાથી નારાજ થઈને તેમના દીકરાએ બંનેનો સાથ છોડી દીધો હતો. બસ આ વાતથી બંને નારાજ હતા, જેને કારણે તેઓએ એ સમયે હત્યા કરી દીધી જ્યારે તે ઘરમાં એકલો હતો. મામલાની જાણકારી આપતા ડીએસી હેડક્વાર્ટર સતીશ વત્સે જણાવ્યું કે બંને હત્યારાઓએ હત્યા કર્યા બાદ લાશને સૂમસામ સ્થળે ફેંકી દીધી. આરોપીઓએ મૃતકની મોટરસાઇકલમાંથી જ પેટ્રોલ કાઢી લાશને આગ ચાંપવાનો પ્રયાસ કર્યો. ત્યારબાદ બંનેએ મળી અડધી સળગેલી હાલમાં લાશને માટીમાં દાટી દીધી.

પોલીસે આવી રીતે કર્યો મામલાનો ખુલાસો

મૃતકના પરિજન જ્યારે ઘરે પહોંચ્યા તો તેમણે પોતાના દીકરાને ઘરે ન જોયો. ત્યારબાદ તેઓએ તેની ગુમ થવાની ફરિયાદ પોલીસમાં નોંધાવી. મામલામાં તપાસ કરતાં પોલીસે મૃતકના જ બે દોસ્તોની ધરપકડ કરી, ત્યારબાદ હત્યાની સમગ્ર ઘટનાનો ખુલાસો થયો. પોલીસે બંને આરોપીઓને કસ્ટડીમાં લઈ તેમના સૂચવ્યા મુજબની અડધી સળગેલી લાશને શોધી કાઢી અને મૃતકની લાશને પોસ્ટમોર્ટમ માટે મોકલી આપી.

આરોપીઓને રિમાન્ડ પર લેશે પોલીસ

પોલીસે આરોપીઓને કોર્ટમાં રજૂ કરીને રિમાન્ડ પર લીધા છે. રિમાન્ડ દરમિયાન પોલીસ આરોપીઓને હત્યા દરમિયાન ઉપયોગમાં લેવામાં આવેલી વસ્તુઓની વિગતો મેળવશે. હાલ પોલીસ આરોપીઓની પૂછપરછ કરી રહી છે. બીજી તરફ, મૃતકના પરિજનોનું કહેવું છે કે હત્યારાને કડકમાં કડક સજા આપવી જોઈએ.