પ્રેમી સાથે મળી બનાવ્યો પોતાના જ કિડનેપિંગનો પ્લાન, પિતા પાસે માગ્યા 1 કરોડ

ફિલ્મ 'જૉલી LLB-2'માં અક્ષય કુમારનો એક ડાયલૉગ ખૂબ જાણીતો થયો હતો, 'આ દુનિયાના સૌથી મોટા મૂર્ખે કહ્યું હતું કે, પ્રેમ અને જંગમાં બધું આવકાર્ય છે... કારણ કે જો એવું છે તો બોર્ડર પર સિપાહીઓના માથા કાપનારા પર સાચા છે અને છોકરીઓ પર એસિડ ફેંકનારા આશિકો પણ સાચા છે.' પણ ઘણા યંગસ્ટર્સ હજુ પણ આ વાતને સમજતા નથી. ત્યારે જ તો ઉત્તર પ્રદેશના એટામાં એક 19 વર્ષની યુવતીએ પોતાના બૉયફ્રેન્ડ સાથે મળીને પોતાના કિડનેપિંગનું ષડયંત્ર રચ્યું. જેથી પોતાના પિતા પાસેથી 1 કરોડ રૂપિયાની ખંડણી માગી શકે. પણ... પેરેન્ટ્સ અને પોલીસની સમજદારીને કારણે આ કપલ પોતાના પ્લાનિંગમાં સફળ થઈ શક્યું નહીં.

શું છે આખી ઘટના?

અમારા સહયોગી ઈન્ડિયા ટાઈમ્સના રિપોર્ટ અનુસાર, કેસ મેહરા પોલીસ સ્ટેશન વિસ્તારના નગલા ભજના ગામનો છે. પોલીસ અનુસાર, યુવતી 23 જુલાઈના રોજ ગુમ થઈ ગઈ હતી. પછી એક કિડનેપર તરીકે તેણે પોતાના માતા-પિતાને ફોન કરો અને હરિયાણવી લહેજામાં તેમની પાસે ખંડણી માગી. જોકે, માતા-પિતાએ સમજદારી દેખાડતા પોલીસને ફોન કરી દીધો.

જ્યારે પોલીસને થઈ શંકા

પોલીસ કાર્યવાહી શરૂ કરી. શરૂઆતમાં તો તેમણે પ્રોફેશનલ કિડનેપર્સને ધ્યાનમાં રાખી 'અપહ્યત યુવતી'ને શોધવાનું શરૂ કર્યું. પણ તપાસ દરમિયાન કિડનેપરનું વારંવાર ભાવ-તાલ અને ફોન પર લાંબી વાતો કરવી પોલીસ અધિકારીઓને ખટક્યું જ્યારબાદ તેમણે યુવતીના નંબરને ટ્રેસ કરવાનું શરૂ કર્યું.

ઘરથી 100 મીટર દૂર

પોલીસ અધીક્ષક (ક્રાઈમ) એટા રાહુલ કુમારે જણાવ્યું કે, 'બાદમાં અમને ખબર પડી કે, યુવતી ખંડણી માટે પોતાના જ ફોનનો ઉપયોગ કરી રહી હતી. શનિવારે તેને પોતાના ઘરથી માત્ર 100 મીટર અંતરે જ શોધી કાઢવામાં આવી. યુવતી અને તેનો બૉયફ્રેન્ડ પાડોશી છે, જે આશરે 2 વર્ષથી રિલેશનશિપમાં છે.'

બૉયફ્રેન્ડ થઈ ગયો ફરાર

યુવતીને જાણ થઈ હતી કે, તેનો પરિવાર એક રૂપિયાથી સ્કૂલ ખોલવાનું પ્લાનિંગ કરી રહ્યો છે. આવામાં યુવતીએ પોતાના પ્રેમી સાથે મળીને પોતાનું કિડનેપિંગ કરી ખંડણીની રકમ લઈ ફરાર થઈ જવાનો પ્લાન બનાવ્યો. પોલીસે યુવતીને અરેસ્ટ કરી લીધી છે અને પૂછપરછ ચાલી રહી છે. જ્યારે તેનો પ્રેમી ફરાર થવામાં સફળ રહ્યો,જેની શોધખોળ ચાલી રહી છે.