પેનના ઝઘડામાં 10 વર્ષની છોકરીએ 8મા ધોરણની સ્ટુડન્ટનું મર્ડર કર્યું, માતા-પિતાએ બૉડી સળગાવી દીધી

જયપુર : જયપુર બહારી વિસ્તાર ચાકસૂમાં બુધવારે 8મા ધોરણની એક વિદ્યાર્થિની મૃત અવસ્થામાં મળી. છોકરી પરીક્ષા આપવા માટે સ્કૂલ ગઈ હતી, જ્યાંથી ગુમ થઈ ગઈ હતી. ગુમ થયા બાદ પરિવારજનોએ તેની શોધખોળ ચાલુ કરી હતી. 8મા ધોરણની વિદ્યાર્થિની ડેડબૉડી ગુરુવારે સવારે લોહીલુહાણ હાલતમાં મળી. પોલીસે આ ઘટના બાદ શનિવારે કહ્યું કે, તેની હત્યા તે જ સ્કૂલમાં ભણનારી એક 10 વર્ષની વિદ્યાર્થિનીએ પેન માટે કરી દીધી હતી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: આરોપ છે કે, બુધવારે એક છોકરીએ 8મા ધોરણની છોકરીની પેન છીનવી લીધી હતી, જ્યારબાદ ઝઘડો થયો હતો. તે વખતે કોઈ રીતે ઝઘડો શાંત થયો પણ જ્યારે પીડિત છોકરી ઘરે જઈ રહી હતી ત્યારે અચાનક ફરી ઝઘડો થઈ ગયો. અધિકારીનું કહેવું છે કે, ‘છોકરીએ પહેલા 8મા ધોરણની વિદ્યાર્થીનીને લોખંડના સળિયાથી મારી, બાદમાં ધારદાર વસ્તુથી 19 વખત હુમલો કર્યો. આના કારણે છોકરીનું મોત થઈ ગયું.’ પોલીસનું કહેવું છે કે, છોકરીએ આ ઘટના બાદ સાંજે આખી વાતની જાણકારી પોતાની માતાને આપી. ત્યારબાદ તે આ ઘટનાને છૂપાવવામાં જોતરાઈ ગયા. છોકરી અને તેની માતા, બંનેએ મળીને શબને એક કોથળામાં ભર્યું અને ઘરની નજીક તળાવ પાસે ફેંકી દીધું. છોકરીની માતાએ આ વાતની જાણકારી પોતાના પતિએ આપી. પછી દંપતીએ મળીને કોથળો કાઢ્યો અને તેને નષ્ટ કરી દીધો. DCPએ જણાવ્યું કે, આરોપી છોકરીને કસ્ટડીમાં લેવામાં આવી છે જ્યારે માતા-પિતાને મૃતદેહ સળગાવી દેવાના આરોપમાં અરેસ્ટ કર્યા છે.