નોઈડા: શોપિંગ વેબસાઈટ પરથી મોંઘો મોબાઈલ મંગાવવાનું એક મહિલાને ભારે પડી ગયું, કારણકે જ્યારે આ મહિલાએ પેકેટ ખોલ્યું તો ચોંકી ગઈ. ઓનલાઈન મંગાવેલા ફોનની જગ્યાએ પેકેટમાંથી સાબુ નીકળતા આ મહિલાએ ઓનલાઈન કંપનીના હેલ્પલાઈન નંબર અને પોલીસમાં ફરિયાદ નોંધાવી છે. પરંતુ, હજુ સુધી તે ઑનલાઈન કંપની તરફથી આ મુદ્દે આગળ કોઈ કાર્યવાહી કરવા માટેનો જવાબ મળ્યો નથી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો પ્રાપ્ત જાણકારી મુજબ, નોઈડાની આઈટી કંપનીમાં સોફ્ટવેર એન્જિનિયર તરીકે કામ કરતી મહિલાએ એક શોપિંગ વેબસાઈટ પર રૂપિયા 28 હજારનો મોબાઈલ ઓર્ડર કર્યો હતો. જ્યારે ડિલિવરી બૉય આ મોબાઈલનું પેકેટ લઈને પહોંચ્યો અને આ મહિલાએ પેકેટ ખોલીને જોયું તો તેમાં મોબાઈલની જગ્યાએ સાબુ હતો. પ્રતીકાત્મક તસવીર આ પેકેટમાં સાબુની સાથે મોબાઈલનું ચાર્જર પણ હતું. આ સ્માર્ટ મહિલાએ જ્યારે ડિલિવરી બૉયે મોબાઈલનું પેકેટ ખોલ્યું તે ઘટનાનું રેકોર્ડિંગ કરી લીધું હતું. બાદમાં મહિલાએ 100 નંબર પર પોલીસને પણ આ ઘટનાની જાણ કરી હતી.
ઑનલાઈન મંગાવ્યો રૂપિયા 28 હજારનો ફૉન, પેકેટ ખોલ્યું તો નીકળી આ વસ્તુ
I am Gujarat 27 Oct 2019, 4:29 pm