ગર્લફ્રેન્ડને મળવા પહોંચ્યો, યુવતીના પરિવારજનોએ કાપી નાખ્યો પ્રાઈવેટ પાર્ટ

I am Gujarat

યુપીના ગોરખપુરનો કિસ્સો

ધીરેન્દ્ર સિંહ, ગોરખપુર : ગોરખપુરમાં પોતાની ગર્લફ્રેન્ડને મળવા માટે મોડી રાતે તેના ઘરે પહોંચેલા યુવકને યુવતીના પરિવારજનોએ બિભત્સ સજા કરી. યુવતીના પરિવારના લોકોએ યુવકને બંધક બનાવી માર માર્યા બાદ તેના પ્રાઈવેટ પાર્ટને કાપી નાખ્યું. અત્યારે તેને હોસ્પિટલમાં ભરતી કરવામાં આવ્યો છે. બીજી તરફ ડૉક્ટરે કહ્યું કે, સર્જરી દ્વારા પ્રાઈવેટ પાર્ટને જોડી શકવું હવે ખૂબ અઘરું છે.

કાતર વડે કાપી નાખ્યો પ્રાઈવેટ પાર્ટ

ગોરખપુરના ખજની પોલીસ સ્ટેશનની CO રચના મિશ્રાએ જણાવ્યું કે, મહુઆડાબરમાં રહેનારો દીપચંદ ગુપ્તા (20) મંગળવારે સવારે 3 વાગ્યે 11મા ધોરણમાં ભણતી તેની ગર્લફ્રેન્ડને મળવા તેના ઘરે ગયો હતો. બંને રૂમમાં વાતચીત કરી રહ્યાં હતા. આ દરમિયાન યુવતીનો ભાઈ છત પરથી નીચે આવ્યો અને તેણે યુવકને પકડી લીધો. પૂછપરછ અનુસાર યુવતીના બે ભાઈ અને પિતાએ તેને બંધક બનાવી લીધો. યુવતીની મા પણ ત્યાં હાજર હતી. પરિવારજનોએ પહેલા છોકરીની સામે યુવકને ખૂબ માર માર્યો અને પછી ધારદાર હથિયાર તેનો પ્રાઈવેટ પાર્ટ કાપી નાખ્યો. આટલું જ નહીં તે ફરીવાર જોડાઈ ન શકે એટલે તેમણે તેને ગંદી જગ્યાએ ફેંકી દીધો. પરિવારે બંનેને આપત્તિજનક અવસ્થામાં જોઈ લીધા હોવાની વાત કહી છે. ખૂનથી લથપથ હાલતમાં યુવકને બૂમો પાડતો જોઈ ગામના લોકોએ પોલીસને સૂચના આપી. ત્યારબાદ તેને જિલ્લા હોસ્પિટલમાં ભરતી કરવામાં આવ્યો.

પીડિતના પરિવારજનો નોંધાવશે કેસ

BRDમાં સ્થિતિ લથડ્યા બાદ યુવકના પરિવારજનોએ તેને મોડી સાંજે લખનઉની KGSC માટે લઈને રવાના થઈ ગયા. બીજી તરફ ડૉક્ટરોને આશંકા છે હવે તેના પ્રાઈવેટ પાર્ટને ફરીવાર જોડી શકવું મુશ્કેલ છે. બીજી તરફ યુવકના ઘરવાળા, યુવતી સહિત પરિવારના પાંચ સભ્યો સામે કેસ નોંધાવવાની તૈયારીમાં જોડાઈ ગયા ચછે. અત્યારે પોલીસે યુવતીના બંને ભાઈઓ અને પિતાને અરેસ્ટ કર્યા છે.