ફેફસામાં ભરાઈ ગયેલા ઓઈલને બહાર કાઢી ડોક્ટરોએ ગોવાના યુવકનો જીવ બચાવ્યો

ગોવા: ગોવાનો 28 વર્ષનો યુવક અકસ્માતે ઓઈલ ટેન્કમાં પડી જતા તેના ફેફસામાં ઓઈલ ભરાઈ ગયું હતું. બેંગલુરુના ડોક્ટરોએ તેના ફેફસામાંથી ઓઈલ બહાર કાઢી તેને નવજીવન આપ્યું.

બેંગલુરુની એપોલો હોસ્પિટલના ડોક્ટરોએ હોલ લંગ લેવેજ (WLL)ની રેર પ્રોસિજર કરીને યુવકને નવજીવન આપ્યું કે જેમાં ફેફસામાંથી ઓઈલ બહાર કાઢવામાં આવ્યું.

કન્સ્ટ્રક્શન ફર્મ ધરાવતા 23 વર્ષના વીએસ ખાંડેપાર્કર વર્મા ઈન્ડસ્ટ્રીયલ એરિયામાં કેબલ કંપનીની સાઈટનું નિરીક્ષણ કરી રહ્યા હતા, ત્યારે આ અકસ્માત બન્યો હતો. મજૂરો છતની શીટ્સ બદલી રહ્યા હતા ત્યારે તેઓ છત ઉભા હતા. તેઓ જૂની શીટ પર ઊભા હતા, જે ખસી જતા તેઓ ઓઈલ ટેન્કમાં પડી ગયા હતા.

ખાંડેપાર્કરના ફિયાન્સી ડો. ઉર્વશી એલએસ કુડચડકર ઓર્થેલ્મોલોજીમાં એમએસ કરે છે. તેમણે જણાવ્યું કે, તેમને કદાચ માથામાં વાગ્યું હતું અને બેભાન થઈ ગયા હતા એટલે જ કદાચ એક મીટર ઊંડી ટેન્કમાંથી પણ જાતે બહાર ન આવી શક્યા. તેમને તાત્કાલિક સરકારી હોસ્પિટલમાં લઈ જવાયા અને વેન્ટિલેટર પર મૂકી દેવાયા. બાદમાં તેમને ગોવા મેડિકલ કોલેજમાં શિફ્ટ કરાયા.

તેમની ગંભીર સ્થિતિને જોતાં અહીંના ડોક્ટરો જયાનગરની એપોલો હોસ્પિટલના પલ્મોનરી અને ક્રિટિકલ કેરના ચીફ ડો. રવિન્દ્ર મેહતા સાથે સતત સંપર્કમાં હતા. 11 જૂને ખાંડેપાર્કરને બેંગલુરુમાં એરલિફ્ટ કરાયા અને એપોલો હોસ્પિટલમાં એડિમિટ કરવામાં આવ્યા.

ડો. મેહતાએ કહ્યું કે, ઘણી જ જટિલ પ્રક્રિયાના ભાગરૂપે, કે જે 13 જૂને કરવામાં આવી અને 9 કલાક ચાલી, તેમણે જમણું અને ડાબું ફેફસુંને સાફ કરવું પડ્યું. જમણા ફેફસામાંથી 15 લિટર અને ડાબા ફેફસામાંથી 10 લિટર સાલિન સોલ્યુસન બહાર કઢાયું.

ડો. ઉર્વશીએ કહ્યું કે, 10 દિવસ બેભાન રહ્યા બાદ આ પ્રોસિજર કર્યાના બે દિવસ પછી ખાંડેપાર્કર ભાનમાં આવ્યા. તેમને 20 જુલાઈએ હોસ્પિટલમાં રજા આપવામાં આવી.