કોરોના પર બે-બે ગુડ ન્યૂઝ, એક્ટિવ કેસ 7.5 લાખથી નીચે અને સમગ્ર વિશ્વમાં સૌથી ઓછો ડેથ રેટ

નવી દિલ્હી: સમગ્રવિશ્વમાં કોરોના મહામારી વધુ વકરતી જઈ રહી છે, ત્યારેદેશમાં કોરોના વાયરસ સામે ચાલી રહેલા જંગમાં સફળતા મળતી દેખાઈ રહી છે. સરકાર અને લોકોના સહકારથી આ ઘાતક બીમારીને કેટલીક હદ સુધી રોકવામાં સફળતા મળી છે. કેન્દ્રીય આરોગ્ય મંત્રાલયએ કહ્યું કે, ભારતમાં રિકવરી રેટ સમગ્ર વિશ્વમાં સૌથી સારો અને અહીં કોરોનાથી થતા મોતના આંકડા પણ ઓછા છે.

ભારતમાં હવે એક્ટિવ કેસ 7.5 લાખથી પણ નીચે
આરોગ્ય મંત્રાલયે કહ્યું કે, ભારતમાં રિકવરી મામલાની સંખ્યા 67 લાખથી વધુ થઈ ગઈ છે. જે કોઈપણ દેશ કરતા સૌથી વધુ સંખ્યા છે. તેમણે કહ્યું કે, અમે અત્યાર સુધી 8 કરોડ 60 લાખ ટેસ્ટ કર્યા છે, જે વિશ્વમાં બીજો સૌથી મોટો આંકડો છે. મંત્રાલયે જે આંકડા મીડિયા સમક્ષ રજૂ કર્યા છે તે મુજબ, ભારતમાં હવે એક્ટિવ કેસ 7.5 લાખથી પણ નીચે આવી ગયા છે. એ દર્શાવે છે કે, કોરોના વાયરસ સામેના જંગમાં ભારત સતત સારું કામ કરી રહ્યું છે.

વિશ્વમાં સૌથી ઓછો મૃત્યુદર
આરોગ્ય મંત્રાલયના સચિવ રાજેશ ભૂષણે કહ્યું કે પ્રતિ 10 લાખ વસ્તીએ ભારતમાં મૃત્યુદર 83 છે, આપણે વિશ્વમાં સૌથી ઓછો મૃત્યુદર ધરાવતા દેશોમાં છે. વિશ્વનો સરેરાશ મૃત્યુદર 142 છે. તેમણે આગળ કહ્યું કે, સક્રિય કેસોમાં સતત ઘટાડો નોંધાયો છે. 18 સપ્ટેમ્બરે એક્ટિવ કેસોની સંખ્યા 10 લાખથી વધુ હતી, હવે એક્ટિવ કેસોની સંખ્યા 7,48,538 છે.

6 રાજ્યોએ વધાર્યું ટેન્શનમંત્રાલયે જણાવ્યું કે, હજુ પણ કેટલાક વિસ્તારોમાં કોરોનાના રેકોર્ડ મામલા સામે આવી રહ્યા છે. તેમણે જણાવ્યું કે, ભારતના કુલ કેસોમાં 64 ટકા કેસ માત્ર આ છ રાજ્ય (મહારાષ્ટ્ર, કર્ણાટક, કેરળ, તમિળનાડુ, આંધ્ર પ્રદેશ અન વેસ્ટ બંગાળ)થી આવી રહ્યા છે. તે ઉપરાંત સમગ્ર વિશ્વમાં પર મિલિયન એક્ટિવ કેસની વાત કરીએ તો ભારતમાં સૌથી ઓછા છે. ગત સાત દિવસોમાં ભારતમાં એક મિલિયન જનસંખ્યામાં 310 કેસ સામે આવ્યા છે. જો સમગ્ર વિશ્વની સરેરાશ જોવામાં આવે તો તે 315 છે, જ્યારે કે અન્ય દેશ જેવા કે, બ્રાઝીલમાં આ આંકડો 665, રશિયામાં 706, સ્પેનમાં 936, અમેરિકામાં 1,153 અને યુકેમાં 1,746 છે.