આપવો પડશે સોનાનો હિસાબ, બિલ નહીં તો ચૂકવવો પડશે આકરો ટેક્સ!

નવી દિલ્હીઃ પીળીધાતુના કાળાધનને બહાર નીકાળવા માટે સરકાર ટૂંક સમયમાં જ મોટા પગલા લઈ શકે છે. સરકાર ટૂંક સમયમાં જ ગોલ્ડ માટે એમ્નેસ્ટી સ્કીમ લાવી શકે છે. જે હેઠળ સરકારને સોનાનો હિસાબ આપવો પડશે અને બીલ વગરના સોના પર ટેક્સ ચૂકવવો પડશે. સૂત્રોએ આ જાણકારી આપી છે. જો સરકાર આ પગલા ઉઠાવશે તો નોટબંધી પછી કાળા ધન વિરુદ્ધ આ સૌથી મોટુ પગલું હશે. આ પગલાને નોટબંધીના આગામી તબક્કા તરીકે જોવાઈ રહ્યું છે. જાણકારો અનુસાર, કાળાધનનો એક મોટો ભાગ સોનાના રુપમાં રહેલો છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો રજૂ થશે ગોલ્ડ એમ્નેસ્ટી સ્કીમ! જોકે, હજુ એ નક્કી નથી કે ટેક્સનો રેટ શું રહેશે. સૂત્રોએ સંકેત આપ્યો છે કે ટેક્સ 30 ટકા રહી શકે છે. જે સેસ સાથે 33% રહેશે. એક જાણકારી અનુસાર સોનાના રુપમાં લાખો કરોડ રુપિયાનું કાળુનાણું રહેલું છે. જેને સરકાર સિસ્ટમથી બહાર લાવવા માગે છે. નોટબંધી પછી સરકારે વડાપ્રધાને ગરીબ કલ્યાણ યોજના (PMGKY) લોન્ચ કરી હતી. જેને IDS IIના નામથી પણ ઓળખવામાં આવે છે. જોકે, તેની સફળતા સીમિત હતી. એવું માનવામાં આવી રહ્યું છે કે જે કસર બાકી રહી હતી તેને ગોલ્ડ એમ્નેસ્ટી સ્કીમથી પૂરી કરી શકાય છે. નિશ્ચિત સમય માટે રહેશે સ્કીમ ઈન્કમ ટેક્સ એમ્નેસ્ટી સ્કીમની જેમ જ ગોલ્ડ એમ્નેસ્ટી સ્કીમ પણ નિશ્ચિત સમય માટે જ હશે. જેને વ્યાપક સુવર્ણ નીતિ તરીકે જોવામાં આવે છે. જેના પર નીતિ આયોગની સલાહ પર બે વર્ષ પહેલા કામ શરુ થયું હતું. દેશમાં કેટલું સોનું? એક અનુમાન અનુસાર, ભારતીયો પાસે રહેલા સોનાનો સ્ટોક આશરે 20 હજાર ટન છે. જોકે, ખોટી રીતે આયાત કરવામાં આવેલા સોનાને જો ભેળવી દેવામાં આવે તો તેની માત્રા 25થી 30 હજાર ટન હોય શકે છે. હાલના દર અનુસાર આ સોનાની કિંમત ક્રમશઃ 1થી 1.5 ટ્રિલિયન ડોલર રહેશે. આ છે પડકાર નામ ગુપ્ત રાખવાની શરત પર એક વિશ્લેષકે જણાવ્યું કે,’આ વિચાર સારો છે, જોકે, પ્રભાવી રીતે લાગુ કરવો મુશ્કેલ છે. લોકોએ લાંબા સમયથી સોનાને પોતાની પાસે રાખ્યું છે અને કેટલાક પ્રસંગોપાત વિરાસતમાં પણ મળે છે. જેમાં કોઈ લેવડદેવડ નથી હોતી અને તેનું બિલ મળવું પણ મુશ્કેલ હોય છે. સોનાની ઘોષણા માટે લોકો પર દબાણ આપવું મુશ્કેલ છે.’ તેમણે એ પણ ઉમેર્યું કે,’આ ઉપરાંત એક ડર એવો પણ છે કે લોકોને ટેક્સ અધિકારીઓનું શોષણ પણ સંભાળવું પડશે’ ઉદ્યોગ સાથે જોડાયેલા લોકોએ ગોલ્ડ એમ્નેસ્ટી સ્કીમ અંગે એક નવા મોડલનો વિચાર વ્યક્ત કર્યો છે. જેથી આ સ્કીમ સફળ થઈ શકે. આ સૂચનમાં એવું કહેવાયું છે કે જાહેર કરાયેલા ગોલ્ડના બદલે સરકાર દસ વર્ષ માટે ઝીરો કૂપન બોન્ડ પણ જાહેર કરી શકે છે.