ચીન સહિત આ પાંચ દેશો સાથે સરળ થશે વ્યાપાર, APTAને મંજૂરી

નવી દિલ્હીઃ કેન્દ્ર સરકારે સોમવારે એશિયા પેસિફિક ટ્રેડ એગ્રીમેન્ટ (APTA) અંતર્ગત ઇમ્પોર્ટ ડ્યૂટીના આદાનપ્રદાનને મંજૂરી આપી છે. આ પગલાથી ભારત અને ચીન સહિત છ સભ્ય દેશો વચ્ચે વ્યાપાર વધશે. હાલ એપીટીએના સભ્યોમાં બાંગ્લાદેશ, ચીન, ભારત, લાઓસ, કોરિયા રિપબ્લિક તથા શ્રીલંકા આવે છે. વડાપ્રધાન નરેન્દ્ર મોદીની અધ્યક્ષતામાં યોજાયેલી કેન્દ્રીય મંત્રીમંડળની બેઠકમાં ઇમ્પોર્ટ ડ્યૂટી કન્સેશનના આદાનપ્રદાનને મંજૂરી આપવામાં આવી હતી.

એક સત્તાવાર નિવેદનમાં કહેવામાં આવ્યું છે કે, એપીટીએના ચોથા તબક્કાની વાતચીત અને સંબંધિત સુધારા અંતર્ગત તેને છૂટ આપવામાં આવી છે. એપીટીએને પૂર્વમાં બેંકોક કરાર તરીકે પણ ઓળખવામાં આવે છે. તે એશિયા પેસિફિક ક્ષેત્રના વિકાસશીલ સભ્ય દેશો વચ્ચે ટેરિફ કન્સેશનના માધ્યમથી વેપાર વિસ્તારને પ્રોત્સાહન આપવું છે. તે એશિયા પેસિફિક માટે સંયુક્ત રાષ્ટ્ર આર્થિક અને સામાજિક આયોગની પહેલ છે.

અલ્પવિકસિત દેશો માટે 39.7 ટકાના એમઓપી પર 48 અને પ્રોડક્ટ પર ટેરિફ કન્સેશન આપવામાં આવ્યું છે. કેન્દ્રીય મંત્રીમંડળે એપીટીએની પ્રસ્તાવનામાં સુધારાને પણ મંજૂરી આપી છે. તેનાથી એપીટીએમાં મંગોલિયાને સાતમા દેશ તરીકે સામેલ કરવામાં આવ્યો છે. નિવેદનમાં જણાવાયું છે કે, એપીટીએની મંત્રીસ્તરીય પરિષદનું ચોથું સત્ર ટૂંક સમયમાં બોલાવાશે, જેમાં ઔપચારિક રીતે તમામ નિર્ણયનોને ક્રિયાન્વિત કરી શકાશે.