કોરોના વેક્સીનના સ્ટોરેજ માટે તૈયારીઓ શરૂ, એપોલોએ વેક્સીનેશનને લઈને કર્યો મોટો દાવો

કોરોના વાયરસ વેક્સીન આગામી વર્ષની શરૂઆત સુધી લોન્ચ થવાની આશા છે. ત્યારે સરકારે વેક્સીનના સ્ટોરેજ અને ડિસ્ટ્રીબ્યુશન માટેની તૈયારીઓની ઝડપ વધારી દીધી છે. સરકાર વધુ જગ્યાઓ શોધી રહી છે. કોલ્ડ સ્ટોરેજ પર ફોકસ છે, કેમકે મોટાભાગની વેક્સીનને એક નિશ્ચિત તાપમાન પર રાખવી અને ડિસ્ટ્રીબ્યુટ કરવાની હોય છે. જો, તાપમાન બદલાય તો વેક્સીન નકામી થઈ જાય છે. ડો. વીકે પોલની આગેવાનીમાં બનેલા એક્સપર્ટ ગ્રુપે અત્યારે જે કોલ્ડ ચેન છે તેને મેપ કરી લીધી છે અને કેટલાની જરૂર પડશે, તેનો અંદાજ લગાવાઈ રહ્યો છે. બીજી તરફ, એપોલો હોસ્પિટલે કહ્યું છે કે, તે એક દિવસમાં 10 લાખ લોકોને કોરોના વેક્સીન આપવા માટે તૈયાર છે. ગ્રુપની પાસે 70 હોસ્પિટલ, 400થી વધુ ક્લિનિક અને 500 કોર્પોરેટ હેલ્થ સેન્ટર્સ છે.

eVIN દ્વારા થશે વેક્સીનનું ટ્રેકિંગ
સરકારનો પ્રયાસ છે કે, વેક્સીન મેળવવાથી લઈને તેને લોકો સુધી પહોંચાડવાની સમગ્ર કવાયતને રિયલ ટાઈમ ટ્રેક કરવામાં આવી શકે. હિંદુસ્તાન ટાઈમ્સના રિપોર્ટ મુજબ, તેના માટે એક ઈલેક્ટ્રોનિક વેક્સીન ઈન્ટેલિજન્સ નેટવર્ક (eVIN)નો ઉપયોગ કરવામાં આવી શકે છે. તે ક્લાઉડ આધારિત એવી સિસ્ટમ છે, જે રિયલ ટાઈમમાં સ્ટોકની પોઝિશન અને સપ્લાય રૂટની જાણકારી આપે છે.

બધાને વેક્સીન ઉપલબ્ધ કરાવવાની છે પૂરતી તૈયારીઓ
ભારતની પાસે હાલ જિલ્લામાં લગભગ 27,000 વેક્સીન સ્ટોરેજ સેન્ટર્સ છે, જે eVIN સાથે જોડાયેલા છે. લોજિસ્ટિક મેનેજ કરવામાં ઓછામાં ઓછા 40,000 ફ્રન્ટલાઈન વર્કર્સ કામ કરી રહ્યા છે. સ્ટોરેજનું તાપમાન ચેક કરવા માટે ઓછામાં ઓછા 50 હજાર ટેમ્પ્રેચર લોગર્સ છે. એક્સપર્ટસ મુજબ, ભારતની પાસે બધાને કોરોના વેક્સીન પૂરી પાડવાની પૂરતી ક્ષમતા છે.

કિંમત પર સરકારનું મૌન
વેક્સીનના એક ડોઝની કિંમત કેટલી હશે, તેના પર સરકાર હાલમાં કંઈ જણાવી નથી રહી. સ્વાસ્થ્ય સચિવ રાજેશ ભૂષણે કહ્યું કે, 'દુનિયાભરમાં ટ્રાયલમાંથી પસાર થઈ રહેલી વેક્સીન ડબલ ડોઝ વાળી છે. વેક્સીન પોતાની સેફ્ટી અને પ્રભાવીપણું સાબિત ન કરી દે, તેની કિંમત પર કોઈ પણ આંકડો બેઈમાની છે. એક વખત વેક્સીન સેઈફ થઈ જાય, ત્યારે કિંમત પર વાત થઈ શકે છે. એટલે હાલમાં અમે કોઈ અંદાજ નથી લગાવવા માગતા.'

એપોલોએ કહ્યું કે, 1 દિવસમાં 10 લાખને વેક્સીનેશનની ક્ષમતાએપોલો હોસ્પિટલે કહ્યું કે, તે પોતાના નેટવર્ક દ્વારા એક દિવસમાં 10 લાખ લોકોને વેક્સીન લગાવી શકે છે. કંપનીએ એક સ્ટેટમેન્ટમાં કહ્યું કે, ભારતની લગભગ 30 ટકા વસ્તી એપોલો ફાર્મસીથી 30 મિનિટ જેટલા અંતરે પણ નથી, જેના કારણે વેક્સીન સુરક્ષિત અને સારી રીતે પહોંચવાની ગેરંટી મળે છે. કંપની મુજબ, તેના 10 હજારથી વધુ કર્મચારી જરૂરી ટ્રેનિંગમાંથી પસાર થઈ રહ્યા છે અને એપોલો સેન્ટર્સ પર વેક્સીન લગાવવા માટે તૈનાત હશે.