ચીનને ફરી ઝાટકો, ભારતે PUBG સહિતની 118 એપ્સ પર મૂક્યો પ્રતિબંધ

નવી દિલ્હી: કેન્દ્રિય માહિતી અને પ્રસારણ મંત્રાલયે PUBG સહિતની 118 એપ્સ પર પ્રતિબંધ મૂકી દીધો છે. આ પહેલા સરકારે ચીન સાથે નિયંત્રણ રેખા પર સર્જાયેલા તણાવ બાદ TikTok, Helo સહિતની ઢગલાબંધ ચાઈનીઝ એપ પર રાતોરાત પ્રતિબંધ લગાવી દીધો હતો. સરકારે પ્રાઈવસીનો હવાલો આપીને વધુ 118 એપ્સને બંધ કરી દીધી છે. આજે જે એપ્સ બ્લોક કરાઈ છે તેમાં Livik, WeChat work, WeChat reading જેવી એપ્સનો પણ સમાવેશ થાય છે.

કઈ 118 એપ્સ પર પ્રતિબંધ મૂકાયો?







માહિતી અને પ્રસારણ વિભાગે આઈટી એક્ટની કલમ 69A હેઠળ દેશની સુરક્ષા અને નાગરિકોની પ્રાઈવસીના કારણો હેઠળ આ એપ્સ પર પ્રતિબંધ મૂક્યો છે. સરકાર દ્વારા જણાવાયું છે કે એન્ડ્રોઈડ અને iOS પ્લેટફોર્મ પર રહેલી આ એપ્સ યુઝર્સનો ડેટા એકત્ર કરી તેને દેશની બહાર આવેલા બિનઅધિકૃત સર્વર પર ટ્રાન્સફર કરી તેનો દુરુપયોગ કરતી હતી, જે દેશની સુરક્ષા માટે જોખમી હતું.

ઈન્ડિયન સાયબર ક્રાઈમ કોર્ડિનેશન સેન્ટર અને ગૃહ મંત્રાલય દ્વારા પણ આ એપ્સને બ્લોક કરી દેવા માટે રજૂઆત કરવામાં આવી હતી. આ એપ્સ દ્વારા એકત્ર કરાતા ડેટાનો મિસયુઝ થતો હોવાના નક્કર ઈનપુટ્સ મળ્યા બાદ તેના પર પ્રતિબંધ મૂકવાનો નિર્ણય લીધો હતો. સરકારે આ પગલાંને દેશના કરોડો મોબાઈલ અને ઈન્ટરનેટ યુઝર્સની સુરક્ષા વધારવામાં મદદરુપ થશે તેવું જણાવ્યું છે.