લગ્નનો આનંદ ફેરવાયો શોકમાં, ગિફ્ટમાં મળેલ પેકેટ બ્લાસ્ટ થતા પતિનું મોત પત્ની ગંભીર

I am Gujarat

લગ્નમાં મળેલી ગિફ્ટ બની મોતનું કારણ

ભુવનેશ્વરઃ લગ્નના રીસેપ્શનમાં મળેલી ગીફ્ટે ખુશીઓના દિવસોમાં શોક અને દુઃખના દિવસોમાં ફેરવી નાખ્યા. ઘટનાની વિગત અનુસાર, ઓડિશાના બોલનગીર જિલ્લામાં લગ્નની ભેટમાં મળેલ ગિફ્ટ પેકેટ ખોલતા તેમાં બ્લાસ્ટ થયો હતો જેમાં નવ દંપત્તિ પૈકી પતિનું મોત થયું હતું જ્યારે પત્ની ગંભીર રીતે ઇજાગ્રસ્ત થઈ હતી. તો વરરાજાના દાદીમાં પણ આ ઘટનામાં મૃત્યુ પામ્યા હતા.

ઘરે ગિફ્ટ ઓપન કરતા થયો બ્લાસ્ટ અને ખુશીઓ બની ગઈ શોક

પોલીસના જણાવ્યા પ્રમાણે લગ્નના પાંચ દિવસ બાદ આ બ્લાસ્ટ થયો હતો. પોલીસ હાલ તપાસ કરી રહી છે કે આ ગિફ્ટ બોક્સ નવ દંપત્તિને કોણે આપ્યું હતું. લગ્ન બાદ રિસેપ્શન સેરેમની બુધવારે રાખવામાં આવી હતી જે બાદ ઘરે ગિફ્ટ પેકેટ ઓપન કરતા આ ઘટના બની હતી.

વિસ્ફોટમાં વરરાજા અને દાદીનું ઘટનાસ્થળે મોત, નવવધુ ગંભીર ઇજાગ્રસ્ત

વિસ્ફોટમાં યુવકના દાદી ઘટનાસ્થળે જ મૃત્યુ પામ્યા હતા. જ્યારે યુવકને નજીકની હોસ્પિટલમાં ખસેડાયો હતો જ્યાં સારવાર દરમિયાન તેનું મોત થયું હતુ. જ્યારે પત્ની પણ આ વિસ્ફોટમાં ખૂબ ગંભીર રીતે ઈજાગ્રસ્ત થઈ છે. જેની સરકારી હોસ્પિટલ ખાતે સારવાર ચાલી રહી છે.

પોલીસે શરુ કરી તપાસ

સ્થાનિક પોલીસ અધિકારીએ કહ્યું કે, ‘પોલીસે તપાસના ચક્રો ગતીમાન કર્યા છે. અમે શોધી રહ્યા છે કે આ ગિફ્ટ બોક્સ આપી જનાર તે અજાણ્યો માણસ કોણ હતો.’