લોકડાઉનમાં બે મહિનાથી પગાર નહોતો મળ્યો, નોકરી પર ઘાસ ખાઈને સૂતો ગાર્ડ

લોકડાઉન દરમિયાન સોશિયલ મીડિયા પર એક વિડીયો ઝડપથી વાયરલ થઈ રહ્યો છે. વિડીયોમાં એક વ્યક્તિ થાળીમાં ઘાસ રાખીને તેને ખાતા દેખાઈ રહ્યો છે. આ વાયરલ વિડીયો 5 મિનિટનો છે. જેમાં વ્યક્તિ પહેલા ઘાસ ખાય છે અને પછી તેને ચાવે છે અને બાજુમાં મૂકેલી બોટલમાંથી પાણી પીવે છે. આ બાદ ત્યાં જ ઊંઘી જાય છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:વોટ્સએપ ગ્રુપમાં ઝડપથી વાયરલ થઈ રહેલો આ વિડીયો ગુરુગ્રામના વ્યક્તિનો હોવાનું કહેવાઈ રહ્યું છે. જાણકારી મુજબ, બીએસએનએલમાં સુરક્ષાકર્મી તરીકે કામ કરતા આ વ્યક્તિને છેલ્લા બે મહિનાથી પગાર નથી મળ્યો. આ કારણે મજબૂરીમાં તે ઘાસ ખાઈ રહ્યો હતો.જાણકારી મુજબ, બીએસએનએલમાં સિક્યોરિટી ગાર્ડનું કામ કરતા પહેલા આ વ્યક્તિ એક પ્રાઈવેટ કંપનીમાં ડ્રાઈવરનું કામ કરતો હતો. પરંતુ ત્યાંથી નોકરી છોડ્યા બાદ તે સિક્યોરિટી ગાર્ડ બની ગયો. પરંતુ ખાનગી સિક્યોરિટી એજન્સીએ હજુ સુધી બે મહિનાથી તેને એક પણ રૂપિયાનો પગાર નથી આપ્યો. જેનાથી પરેશાન થઈને તે ઘાસ ખાવા મજબૂર થયો હતો.કેટલાક કર્મચારીઓનો આરોપ છે કે, ખાનગી સિક્યોરિટી એજન્સીમાં પોતાના ઈન્ચાર્જને જ્યારે પૈસાની વાત કરે છે ત્યારે તે ‘પગાર આપી દઈશું’ એમ કહીને વાતને ટાળી દે છે. જે બાદ તે સિક્યોરિટી એજન્સીનો કોન્ટ્રાક્ટ ખતમ થઈ જાય છે અને અન્ય એજન્સી આવી જાય છે. આવી રીતે જૂના ગાર્ડનો પગાર જેમનો તેમ બાકી રહી જાય છે. લોકોનું કહેવું છે કે એક તરફ દેશ કોરોનાની મહામારી સામે લડી રહ્યો છે ત્યારે કેટલાક લોકો ગરીબોના પૈસા પર તરાપ મારી રહ્યા છે.