સુષમાને મળીને ધ્રુસકે ધ્રુસકે રડી પડ્યો 6 વર્ષથી પાક. જેલમાં બંધ હામિદ

I am Gujarat

ભારત આવતા જ બોલ્યો ‘મેરા ભારત મહાન’

નવી દિલ્હીઃ પાકિસ્તાની જેલમાં 6 વર્ષ વિતાવી ભારત પાછા ફરેલા હામિદ નેહાલ અંસારીએ વિદેશ મંત્રી સુષમા સ્વરાજની મુલાકાત કરી. હામિદ મંગળવાર સાંજે ભારત પાછા ફર્યા છે. તેમની ઘર વાપસીમાં કેન્દ્રીય મંત્રીનું મહત્વપૂર્ણ યોગદાન રહ્યું છે આથી બુધવાર સવારે જ્યારે હામિદે પરિવારની સાથે સુષમા સાથે મુલાકાત કરી તો તેઓ ખૂબ ભાવુક દેખાયા અને ધ્રુસકેને ધ્રુસકે રડવા લાગ્યા. આ દરમ્યાન હામિદની માતાએ કહ્યું, ‘મેરા ભારત મહાન, મેરી મેડમ મહાન, સબ મેડમે ને હી કિયા હૈ’. અમારા ન્યૂઝ Whatsapp પર મેળવવા અહીં ક્લિક કરો

6 વર્ષથી પાકિસ્તાની જેલમાં હતો

હામિદના પરિવારે પહેલાં પણ તેની વાપસી માટે સુષમા સ્વરાજ સાથે મુલાકાત કરી. ત્યારે તેમણે કહ્યું હતું કે સુષમા સ્વરાજ સાથે મીટિંગ કરીને જે આત્મવિશ્વાસ ઉભો થયો તેના પરથી આશા જાગી હતી કે તેમનો દીકરો ચોક્કસ ઘરે પાછો ફરશે. બુધવારના રોજ સવારે હામિદે સુષમા સ્વરાજની ઓફિસ જઇ તેમની સાથે મુલાકાત કરી, આ દરમ્યાન સુષમા સ્વરાજ તેને ગળે લગાવ્યા.

સુષમાને મળતા જ રડી પડ્યો હામિદ

છોકરીના પ્રેમમાં વીઝા વગર પહોંચ્યો પાકિસ્તાન

કહેવાય છે કે એક પશ્તનૂ છોકરી સાથે ઑનલાઇન ચેટ બાદ થયેલ પ્રેમે મુંબઇમાં વર્સોવાના રહેવાસી હામિદ નેહાલ અંસારીને 2012મા વીઝા વગર પાકિસ્તાન પહોંચ્યો હતો. ત્યારબાદ તેના પર દેશદ્રોહના કેસ ચલાવીને જેલ મોકલી દીધા હતા. પાકિસ્તાન રેન્જરના અધિકારીઓએ મંગળવાર સાંજે સાડા પાંચ વાગ્યે બીએસએફના અધિકારીઓને હામિદ સોંપ્યા. અંસારીએ વતન પાછા ફરતાની સાથે જ સૌથી પહેલાં વતનની માટીને ચુમ્યો.

સુષમાએ કરી મદદ

આ મામલો કેન્દ્રીય વિદ્રેશી મંત્રી સુષમા સ્વરાજ પાસે પહોંચ્યો હતો. તેમણે પાકિસ્તાન સામે આ મુદ્દો ઉઠાવ્યો હતો. નિર્દોષ હામિદને છોડાવવા માટે સુષમાએ અંગત રસ દાખવી એડીચોટીનું જોર લગાવ્યું હતું. તમામ પ્રયાસો પછી બંને દેશના અનેક લોકોએ પાકિસ્તાની કોર્ટમાં સાબિતી આપી હતી કે હામિદ ભલે ગેરકાયદેસર રીતે પાકિસ્તાનમાં ઘુસ્યો હોય પરંતુ તે કોઈ જાસૂસ નથી.