હાથરસ ગેંગરેપઃ પોલીસે પહેલા કહ્યું રેપ નથી થયો, હવે કહ્યું જબરજસ્તી થયાની પુષ્ટિ નહીં

હાથરસ ગેંગરેપની ઘટનાને લઈને ઉત્તર પ્રદેશ પોલીસ પર ફરી એકવાર સવાલ ઉઠી રહ્યા છે. ઘટના બાદથી ચુપ હાથરસ પોલીસે પીડિતાના મોત બાદ કહ્યું હતું કે તેનો રેપ નથી થયો. હવે એસપીએ નિવેદન આપ્યું છે કે રિપોર્ટમાં જબરજસ્તી રેપ કરાયો હોવાની પુષ્ટિ નથી થઈ. તેમણે કહ્યું કે, તે લોકો ફોરેન્સિક તપાસ રિપોર્ટની રાહ જોઈ રહ્યા છે.

હાથરસ એસપીએ કહ્યું કે પીડિતાને અલીગઢની જવાહરલાલ નહેરૂ મેડિકલ કોલેજમાં એડમિટ કરાવાઈ હતી. ત્યાંની મેડિકલ રિપોર્ટમાં પીડિતાના શરીર પર ઈજાના નિશાનનો ઉલ્લેખ કરાયો છે, પરંતુ જબરજસ્તી સેક્સુઅલ ઈન્ટરકોર્સ (શારીરિક બળજબરી)ની પુષ્ટિ થઈ નથી.

ફોરેન્સિક તપાસ રિપોર્ટની જોવાઈ રહી છે રાહ
એસપી વિક્રાંત વીરે કહ્યું કે, તે લોકો હવે ફોરેન્સિક તપાસ રિપોર્ટની રાહ જોઈ રહ્યા છે. અત્યાર સુધી ડોક્ટરોનું કહેવું છે કે તેઓ બળાત્કારની પુષ્ટિ નથી કરી શકતા. તેમને જ્યારે એફએસએલ રિપોર્ટ મળશે, તે બાદ જ આગળની કાર્યવાહી કરવામાં આવશે.

SIT કરી રહી છે તપાસ
એસપીએ જણાવ્યું કે, એસઆઈટી બુધવારે આવી હતી. તેમણે ગામની મુલાકાત લીધી હતી અને પીડિતાના પરિવાર સાથે પણ મુલાકાત કરી. તેમણે ઘટના સ્થળનું નિરિક્ષણ કર્યું હતું. ટીમ હજુ પણ ગામમાં જ છે, પરિવારને મળી રહી છે અને આગળ તપાસ કરી રહી છે.

15 દિવસ સુધી ગેંગરેપ પર કેમ ચુપ રહી પોલીસ?
14 સપ્ટેમ્બરે પીડિતાની માતા અને નાનો ભાઈ ખેતરમાં ગયા હતા. ભાઈ ચારો લઈને પાછો આવી ગયો અને માતા તથા બહેન ખેતરમાં વધારે ચારો કાપી રહ્યા હતા. પહેલાથી તાકમાં બેઠેલા આરોપીઓએ છોકરીના ગળામાં રહેલો દુપટ્ટો ખેંચ્યો જેથી તેના ગળામાંથી અવાજ ન આવી શક્યો. તેની સાથે રેપ કર્યો અને ત્યાં તરછોડીને જતા રહ્યા. ત્યારથી મીડિયામાં સતત ગેંગરેપની ખબરો છપાતી રહી પરંતુ પોલીસે તેનું ખંડન નથી કર્યું.

મોત બાદ પોલીસે કહ્યું રેપ નહીંઘટનાના નવ દિવસ બાદ પીડિતાને હોસ્પિટલમાં ભાન આવ્યું. પંદર દિવસમાં તેનું મોત થઈ ગયું. મોત બાદથી લોકોમાં રોષ વધી રહ્યો છે ત્યારે પોલીસનું કહેવું છે કે યુવતી સાથે રેપની પુષ્ટિ થઈ નથી. પોલીસની કાર્યવાહીને લઈને પણ વિવાદ વધ્યો. હવે એસપી કહી રહ્યા છે કે યુવતી સાથે જબરજસ્તી રેપ થયો હોવાની પુષ્ટિ થઈ નથી. હાલમાં તે લોકો ફોરેન્સિક રિપોર્ટની રાહ જોઈ રહ્યા છે.