કોરોના વાયરસના સંકટ સમયે હવામાન વિભાગની એક ચેતવણીએ આઠ રાજ્યોનું ટેન્શન વધારી દીધું છે. હકીકતમાં હવામાન વિભાગે આગાહી કરી છે કે 16 મેએ બંગાળની ખાડીમાં એક ચક્રવાતી તોફાન Amphan આવશે. જેના કારણે અંદમાન-નિકોબાર, ઓડિશા, પશ્ચિમ બંગાળમાં ભારે વરસાદ પડી શકે છે. આ તોફાનની અસરના કારણે દેશના આઠ રાજ્યો અને કેન્દ્ર શાસિત પ્રદેશોમાં ભારે વરસાદ અને પવન ફૂંકાઈ શકે છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:હવામાન વિભાગના એલર્ટ મુજબ, અંદમાન-નિકોબાર દ્વીપ સમુહમાં શુક્રવારે ભારે વરસાદ થઈ શકે છે. આ ઉપરાંત ઓડિશાના તટીય વિસ્તારો અને પશ્ચિમ બંગાળમાં પણ કેટલીક જગ્યાઓ પર ભારે વરસાદ થઈ શકે છે. માછીમારોને બંગાળની ખાડીના દક્ષિણ અને સેન્ટ્રલ વિસ્તારના દરિયામાં ન જવાની સલાહ આપવામાં આવી છે. સાથે જ જે માછીમારોને દરિયાના આ વિસ્તારમાં ગયા છે, તેમને પણ પાાછા આવવાનો આદેશ અપાયો છે.હવામાન વિભાગે દિલ્હી, હરિયાણા, પંજાબ, ઉત્તર પ્રદેશ, બિહાર, મણિપુર, ત્રિપુરા, મેઘાલય, પશ્ચિમ બંગાળ, સિક્કિમ, હિમાચલ પ્રદેશ, ઉત્તરાખંડ, કેરળ, કર્ણાટક, તમિલનાડુ, મધ્ય મહારાષ્ટ્ર, ઓડિશા, અંદમાન-નિકોબાર સહિતના સ્થાનોએ ભારે વરસાદ પડવાની આગાહી વ્યક્ત કરી છે.ઉલ્લેખનીય છે કે આ પહેલા ગુરુવારે દિલ્હી NCRમાં આંધી, વરસાદ અને કરા પડ્યા બાદ હવામાન બદલાયું હતું. શુક્રવારે પણ દિલ્હી-NCR સહિત દેશના ઘણા ભાગોમાં આંધી અને વરસાદની સંભાવના દર્શાવવામાં આવી છે.