હિમાચલ પ્રદેશ: હવામાં લટકી રહી બસ, છેલ્લો પેસેન્જર નીકળ્યો ત્યાં સુધી ડ્રાઈવરે બ્રેક દબાવી રાખી
ડ્રાઈવરે બસને બ્રેક લગાવી હતી. તમામ મુસાફરો ઉતર્યાં ત્યા સુધી ડ્રાઈવરે બ્રેક લગાવેલી રાખી હતી.
I am Gujarat 7 Aug 2021, 8:47 am
હાઈલાઈટ્સ:
- બસ જ્યા અટકી ત્યાં નીચે 300 મીટર ઊંડી ખીણ હતી
- આ જોખમી સ્થિતિમાં ડ્રાઈવરે ખૂબ જ સાવચેતી દાખવી અને બસને બ્રેક લગાવી હતી
- જોરથી બ્રેક લગાવી અને જ્યા સુધી અંતિમ વ્યક્તિ બસમાંથી ઉતરી નહીં ત્યાં સુધી બ્રેક પર પગ જમાવી રાખ્યો
![q3 q3](https://www.iamgujarat.com/thumb/85120381/q3-85120381.jpg?imgsize=154046&width=380&height=214&resizemode=75)
હિમાચલ પ્રદેશ: અહીં સિરમૌર જિલ્લામાં બસ ડ્રાઈવરના સાહસ અને યોગ્ય નિર્ણયથી મોટી દુર્ઘટના ટળી છે અને 22 મુસાફરોનો જીવ બચી ગયો છે. એવું જાણવા મળી રહ્યું છે કે હિમાચલ પ્રદેશના પાંવટા શિલાઈ નેશનલ હાઈવે-707 પર બોહરાડની પાસે એક ખાનગી બસ લગભગ 300 મીટર ઊંડી ખીણમાં પડતા-પડતા બચી ગઈ. એવું જાણવા મળી રહ્યું છે કે બસ ડ્રાઈવરના યોગ્ય નિર્ણયથી લગભગ 22 મુસાફરોનો જીવ બચી ગયો છે. જ્યારે આ અકસ્માત બન્યો ત્યારે બસમાં 22 મુસાફરો હાજર હતા. ડ્રાઈવરે તાત્કાલિક બસ પર નિયંત્રણ મેળવ્યું અને તમામ પેસેન્જર્સને બચાવી લીધા. આખરે મુસાફરોએ પણ બસ ડ્રાઈવરને બચાવી લીધો.
અચાનક આ બસના સ્ટિયરિંગનો રૉડ તૂટી જતાં આ બસ ત્યાં રસ્તા પાસેની દીવાલ તોડીને હવામાં લટકી ગઈ હતી. બસને ખીણમાં જતાં જોઈને તેમાં બેઠેલા તમામ પેસેન્જર્સનો જીવ અધ્ધર થઈ ગયો હતો અને તેઓ ચીસો પાડવા લાગ્યા હતા. આ બસનો અડધાથી વધારે હિસ્સો ઊંડી ખાઈ તરફ હવામાં લટકી ગયો હતો. આવા સંકટના સમયમાં પણ ડ્રાઈવરે હિંમત રાખીને બ્રેક પર પગ રાખીને ત્યાં ઊભો રહી ગયો. જેના કારણે બસ એક ટાયર પર ટકી રહી હતી.
બસ ડ્રાઈવર બ્રેક પર ઊભો રહ્યો અને તમામ મુસાફરો સુરક્ષિતરીતે એક પછી એક બહાર નીકળી ગયા. ત્યારબાદ આ તમામ પેસેન્જર્સે મોટા પથ્થરની મદદથી બસને રોકી રાખી એટલે ડ્રાઈવર પણ સુરક્ષિતરીતે બહાર આવી ગયો. બસમાં મુસાફરી કરી રહેલા લોકોએ જણાવ્યું કે ડ્રાઈવરે ગભરાયા વગર બસ પર નિયંત્રણ મેળવી લોકોનો જીવ બચાવવા તમામ પ્રયત્નો કર્યાં હતા. તેણે જોરથી બ્રેક લગાવી અને જ્યા સુધી અંતિમ વ્યક્તિ બસમાંથી ઉતરી નહીં ત્યાં સુધી બ્રેક પર પગ જમાવી રાખ્યો.
અચાનક આ બસના સ્ટિયરિંગનો રૉડ તૂટી જતાં આ બસ ત્યાં રસ્તા પાસેની દીવાલ તોડીને હવામાં લટકી ગઈ હતી. બસને ખીણમાં જતાં જોઈને તેમાં બેઠેલા તમામ પેસેન્જર્સનો જીવ અધ્ધર થઈ ગયો હતો અને તેઓ ચીસો પાડવા લાગ્યા હતા. આ બસનો અડધાથી વધારે હિસ્સો ઊંડી ખાઈ તરફ હવામાં લટકી ગયો હતો. આવા સંકટના સમયમાં પણ ડ્રાઈવરે હિંમત રાખીને બ્રેક પર પગ રાખીને ત્યાં ઊભો રહી ગયો. જેના કારણે બસ એક ટાયર પર ટકી રહી હતી.
બસ ડ્રાઈવર બ્રેક પર ઊભો રહ્યો અને તમામ મુસાફરો સુરક્ષિતરીતે એક પછી એક બહાર નીકળી ગયા. ત્યારબાદ આ તમામ પેસેન્જર્સે મોટા પથ્થરની મદદથી બસને રોકી રાખી એટલે ડ્રાઈવર પણ સુરક્ષિતરીતે બહાર આવી ગયો. બસમાં મુસાફરી કરી રહેલા લોકોએ જણાવ્યું કે ડ્રાઈવરે ગભરાયા વગર બસ પર નિયંત્રણ મેળવી લોકોનો જીવ બચાવવા તમામ પ્રયત્નો કર્યાં હતા. તેણે જોરથી બ્રેક લગાવી અને જ્યા સુધી અંતિમ વ્યક્તિ બસમાંથી ઉતરી નહીં ત્યાં સુધી બ્રેક પર પગ જમાવી રાખ્યો.