એપશહેર

પોતાની પત્ની સાથે ડેટિંગની ઓફર આપી કરતો હતો ચોરી, એરેસ્ટ

I am Gujarat 22 Jul 2016, 4:30 pm
ચેન્નઈ: સિવિલ સર્વિસની તૈયારી કરી રહેલા એક 25 વર્ષના યુવક સાથે છેતરપિંડીના મામલામાં પોલીસે એક એન્જિનિયરની ધરપકડ કરી છે. આરોપી એન્જનિયરની પત્નીને પોલીસ શોધી રહી છે. આ પતિ-પત્ની પર પીડિત યુવકના 16 લાખ રૂપિયાના સોનાના દાગીના ચોરવાનો આરોપ છે. ઘટના મે મહિનાની છે. પોલીસે ગુરુવારે આરોપી એન્જિનિયર વેંકટરમણને ઝડપી લીધો હતો.
I am Gujarat honeytrap ias aspirant loses gold
પોતાની પત્ની સાથે ડેટિંગની ઓફર આપી કરતો હતો ચોરી, એરેસ્ટ


ચોરીની આ ઘટના ચેન્નના અદ્યાર વિસ્તારની છે. પોલીસે ગુરુવારે આરોપીના ઘરે દરોડો પાડી તેની પાસેથી ચોરેલા દાગીનામાંથી 45 દાગીના કબજે કર્યા. અદ્યાર પોલીસે ઈન્દિરા નગરમાં રહેતા જગદીશ્વરનની ફરિયાદ આ મામલે કેસ નોંધી લીધો છે.

પ્રાથમિક તપાસ મુજબ, જગદીશ્વરને એક વેબસાઈટ પર વેંકટરમણની ‘ડેટિંગ’ સંલગ્ન એક પોસ્ટ જોઈ અને તેમાં રસ દાખવ્યો. થોડા સમય બાદ જગદીશ્વરને વેંકટરમણ અને તેની પત્ની સિંધુજાએ પેટમાં દુઃખાવાની ફરિયાદ કરી અને વેંકટરમણ તેને હોસ્પિટલ લઈ ગયો. તેના ગયા બાદ જગદીશ્વરને પોતાની સાથે થયેલી છેતરપિંડીની જાણ થઈ.

પોલીસે વેંકટરમણની શોધ ચાલુ રાખી. દરમિયાનમાં થોડા દિવસો બાદ વેંકટરમણે ફરી પોતાની પત્ની સાથે ડેટિંગ કરવાનો એક પ્રસ્તાવ ઓનલાઈન મૂક્યો, તો પોલીસે ગ્રાહક બની તેની ઓફરનો સ્વીકાર કર્યો. મુલાકાત માટે નક્કી થયેલા સ્થળે વેંકટરમણ તેની પત્ની સાથે પહોંચ્યો તો પોલીસે તેને ઝડપી લીધો, પણ તેની પત્ની સિંધુજા ભાગવામાં સફળ રહી.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો