કોરોના વાયરસના વધી રહેલા સંક્રમણના સમયમાં રિયલ એસ્ટેટ સેક્ટરના વ્યવસાય પર મોટી અસર થઈ છે. રિયલ એસ્ટેટ કન્સલટન્સી ફર્મ પ્રોપ ઈક્વિટીના વિશ્લેષણ મુજબ કોરોના વાયરસની મહામારી અને તેના કારણે લાગુ લોકડાઉનની અસર રિયલ એસ્ટેટના વ્યવસાય પર પડી છે. લોકડાઉનના કારણે દેશના મુખ્ય શહેરોમાં મકાનોના વેચાણમાં 67 ટકાનો ઘટાડો નોંધાયો છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
પ્રોપ ઈક્વિટીના અનુસાર એપ્રિલ-જૂન 2020 દરમિયાન મકાનોનું કુલ વેચાણ 21,294 એકમ રહ્યું. અગાઉ સમાન સમયગાળામાં આ વેચાણ 64,378 એકમ રહ્યું હતું. ગત વર્ષની સરખામણીમાં આ વર્ષે 67 ટકાનો ઘટાડો નોંધાયો છે. નોઈડા સિવાય દેશના તમામ આઠ મુખ્ય શહેરોમાં મકાનના વેચાણમાં ઘટાડો થયો છે.
જો એપ્રિલ-જૂન 2020ના સમયગાળામાં ચેન્નઈ અને હૈદરાબાદમાં મકાનના વેચાણની વાત કરીએ તો તેમાં 74 ટકાનો ઘટાડો નોંધાયો છે. આ વર્ષના પ્રથમ ત્રિમાસિકમાં બેંગલુરુમાં મકાનના વેચાણમાં 73 ટકાનો ઘટાડો નોંધાયો છે. પ્રોપ ઈક્વિટીના જણાવ્યા મુજબ મુંબઈમાં મકાનના વેચાણમાં 63 ટકા, થાણેમાં 56 ટકા અને પૂનામાં 70 ટકાનો ઘટાડો થયો છે.
કોરોના સંક્રમણ રોકવા માટે લાગુ લોકડાઉનના સમયગાળા દરમિયાન નોઈડામાં સંપત્તિના વેચાણમાં 5 ટકાનો વધારો થયો છે. હાલમાં સંપત્તિ સલાહકાર ફર્મ એનારોકે કહ્યું હતું કે એક અનુમાન મુજબ આ વર્ષે એપ્રિલ-જૂન દરમિયાન સાત શહેરોમાં સંપત્તિનું વેચાણ 81 ટકા ઘટીને 12,740 એકમ નોંધાયું છે.
જુનાગઢઃ વરસાદી માહોલ વચ્ચે જંગલનો રાજા ‘સિંહ’ લટાર મારવા નીકળ્યો