સુંદરતા ખતમ થઈ જશે કહીને પતિ માતા નહોતો બનવા દેતો, પત્ની પહોંચી પોલીસ સ્ટેશન

ગાઝિયાબાદઃ ઉત્તર પ્રદેશના ગાઝિયાબાદમાં એક મહિલા પોતાના પતિની વિચિત્ર ફરિયાદ લઈને પોલીસ સ્ટેશન પહોંચી. આ મહિલાનું કહેવું હતું કે, તેનો પતિ તેને માતા નથી બનવા દેતો. આ પાછળ પતિનું કારણ હતું માતા બનવાથી તેની સુંદરતા પર અસર પડશે. આ ઉપરાંત મહિલાએ પતિ પર દહેજ માટે મારપીટ કરવાનો પણ આરોપ લગાવ્યો છે. હાલમાં મહિલાએ એસએસપી ઓફિસમાં ફરિયાદ દાખલ કરાવી છે. હવે આ મામલે તપાસ કવિનગર પોલીસ સ્ટેશનને સોંપાઈ છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:મહિલાનો આરોપ છે કે પાછલા 5 વર્ષમાં તે ચાર વખત પ્રેગ્નેટ થઈ પરંતુ દરેક વખતે તેનો ગર્ભપાત કરાવી દેવામાં આવ્યો. મહિલાનું કહેવું છે કે પતિ કહે છે કે જો તે એક વખત માતા બની જશો તો તેની સુંદરતા ખતમ થઈ જશે. પછી તે તેની સાથે કેવી રીતે રહી શકશે.પીડિતાએ જણાવ્યું કે તેના લગ્ન 2015માં થયા હતા. આ લગ્ન આંતરજ્ઞાતિય હતા, જોકે પરિવાર આ લગ્નમાં તેની સાથે હતો. આ દરમિયાન પતિએ ઘર જમાઈ બનવાની વાત કહી અને પરિવાર બચાવવા માટે પિયરના લોકો માની ગયા. થોડા સમય બાદ તે પતિ સાથે એક કોલોનીમાં રહેવા લાગી. પતિએ મહિલાના પિતા પાસેથી બાંધકામ માટે પૈસા માગ્યા હતા, પરંતુ પૈસા ન મળતા તે પત્ની સાથે મારપીટ કરવા લાગ્યો. પતિએ તેને ધમકાવવા માટે એક બંદૂક પણ ખરીદી લીધી હતી.