હૈદરાબાદ ગેંગરેપ: આરોપીઓએ અગાઉથી જ પાસે રાખ્યા હતા કૉન્ડોમ?

હૈદરાબાદ: તારીખ 28 મેના દિવસે હૈદરાબાદના જ્યુબિલી હિલ્સ વિસ્તારમાં 17 વર્ષની સગીરા સાથે ગેંગરેપ થયો હોવાની ચોંકાવનારી ઘટના બની હતી. ત્યારે હૈદરાબાદ પોલીસના સૂત્રોના જણાવ્યા મુજબ, આ સમગ્ર ઘટના પૂર્વનિયોજીત હોવાનો ઈશારો પ્રાથમિક નજરના પુરાવા જણાવી રહ્યા છે. 5 આરોપીઓ કે જેમાં 4 સગીર અને એક પુખ્તવયનો છે તેમણે પૂર્વ આયોજન મુજબ આ ગુનો કર્યો હતો. તેઓ પાસે કૉન્ડોમ્સ હતા અને ગુનો કર્યો તે દરમિયાન તેનો ઉપયોગ પણ કર્યો હતો. પોલીસના સૂત્રોના જણાવ્યા મુજબ, તેમણે ક્યાંથી કૉન્ડોમ્સ લીધા તે જાણવાનો પણ અમે પ્રયાસ કરી રહ્યા છીએ. પોલીસે તમામ આરોપીઓના કૉલ ડેટા રેકોર્ડ્સ પણ એકત્રિત કર્યા છે જેનો ઉપયોગ તેઓને પૂછવામાં આવનારા સવાલ રૂપે કરાશે. જેથી એવું જાણવામાં પણ મદદ મળશે કે આરોપીઓએ જ્યારે ગુનો કર્યો ત્યારે કોણ-કોણ તેઓના સંપર્કમાં હતું. સમગ્ર ક્રાઈમ સીનને રીક્રિએટ કરવા માટે પોલીસ આ તમામ આરોપીઓને જ્યુબિલી રોડ નંબર 44 પર લઈ ગઈ હતી. રવિવારે કરાયેલી પૂછપરછ દરમિયાન આરોપીઓએ જણાવ્યું હતું કે સગીરાના 'મૈત્રીપૂર્ણ સ્વભાવ'નો લાભ લઈને તેનું શારીરિક શોષણ કર્યું હતું.

તેમ છતાં પોલીસના સૂત્રોના જણાવ્યા મુજબ, આરોપીઓએ આપેલા નિવેદનમાં થોડો વિરોધાભાસ જોવા મળ્યો હતો. જેથી તેઓની કૉલ રેકોર્ડ્સના આધારે વધારે પૂછપરછ કરવામાં આવશે. તેમજ પાંચેય મુખ્ય આરોપીઓના potency ટેસ્ટ રિપોર્ટની પણ પોલીસ રાહ જોઈ રહી છે. સૂત્રોના જણાવ્યા મુજબ, આરોપીઓની પૂછપરછ દરમિયાન એ વાતની પણ ખરાઈ કરાશે કે શું તેમણે પબમાં પ્રવેશતા પહેલા કૉન્ડોમ ખરીદ્યા હતા કે પછી ત્યાંથી બહાર નીકળીને કૉન્ડોમ ખરીદ્યા હતા?

કચ્છ જતી લક્ઝરી બસમાં અમદાવાદી યુવતી પર રેપ, પરિચિતે બનાવી હવસનો શિકાર

કચ્છ જતી લક્ઝરી બસમાં અમદાવાદની 22 વર્ષીય યુવતી પર પરિચિત યુવકે કથિત રેપ કર્યાની એલિસબ્રિજ પોલીસ સ્ટેશનમાં ફરિયાદ નોંધાઈ છે. પ્રાપ્ત માહિતી અનુસાર યુવતી કચ્છ જઈ રહી હતી ત્યારે આરોપી યુવકે લક્ઝરી બસમાં જ તેની સાથે બળજબરીથી દુષ્કર્મ આચર્યું હતું. આ બાદ અમદાવાદમાં હોટલમાં લઈ જઈને પણ શરીર સંબંધ બાંધ્યા હતા. આમ બે-બે વખત દુષ્કર્મ આચરનારા શખસ સામે ફરિયાદ નોંધાતા પોલીસે ગુનો દાખલ કરીને આગળની તપાસ હાથ ધરી છે.