લેક્ચરરની નોકરી છોડી ખેતી શરૂ કરી, માટી નહીં પાણીમાં ઉગાડે છે શાકભાજી

ગુરકિરપાલ સિંહ કૉમ્પ્યુટર એન્જિનિયરિંગ કર્યા બાદ એક લેક્ચરરની નોકરી કરતા હતા પણ તેમની મનની ઈચ્છા ખેતી કરવાની હતી જેથી તેમણે લેક્ચરરની નોકરી છોડી ખેતી કરવાનું નક્કી કર્યું. પરંતું ગુરકિરપાલ સિંહ પરંપરાગત પદ્ધતિથી ખેતી કરવામાં નહોતા માનતા, તેમને કંઈક અલગ કરવાની ઈચ્છા હતી. આજે તેઓ હાઈડ્રોપોનિક પદ્ધતિથી શાકભાજી ઉગાડે છે. હાઈડ્રોપોનિક પદ્ધતિથી ખેતીમાં માટીની જરૂર નથી હોતી. સાથેજ તેમાં પાણીનો પણ ખૂબ ઓછો વપરાશ થાય છે. આ ટેકનીક દ્વારા ગુરકિરપાલ સિંહે ઘણા લોકોને ખેતીનો એક નવો પ્રકાર શિખવ્યો. જો તમે ઈચ્છો તો 200 ચોરસ ફૂટ જેટલી જગ્યામાં શાકભાજી ઉગાડી શકો છો.

જ્યારે છોડી દીધી નોકરી

પંજાબના મેગા જિલ્લાના 37 વર્ષીય ગુરકિરપાલ સિંહે 'ધ બેટર ઈન્ડિયા'ને જણાવ્યું કે, 'મારી નોકરી સારી ચાલી રહી હતી પણ મારે કંઈક અલગ કરવું હતું. આ જ કારણે મેં 2012માં આશરે સાડા પાંચ હજાર સ્ક્વેર ફૂટ જમીન પર પાલીહાઉસ લગાવ્યું અને તેમાં ટામેટાં ઉગાડી દીધા, જેમાંથી એક લાખ 40 હજાર રૂપિયાના ટામેટાં થયા. પછી મેં ગ્રીનહાઉસ તરફ ફોકસ કર્યું અને હાઈડ્રોપોનિક ટેકનીકથી શિમલા મરચાં, ટામેટાં વગેરે ઉગાડ્યા.'

હાઈડ્રોપેનિક શું છે?

અસલમાં મૂળપણે આ ઈઝરાયેલની ટેકનીક છે જમાં ગુરકિરપાલ સિંહે પોતાની જરૂરિયાત અનુસાર કેટલાક સુધારા-વધારા કર્યા. હાઈડ્રાપોનિક (હાઈડ્રોનો મતલબ છે પાણી અને અને પોનિક એટલે શ્રમ). ખેતી માટે તમારે ન તો જમીનની જરૂર છે અને ન માટીની. આમાં નેટ હાઉસની અંદર પ્લાસ્ટિકની પાઈપોમાં છોડ લગાવવામાં આવે છે. ટાઈમરથી તાપમાનને પાક અનુસાર 35 ડિગ્રીથી ઓછા પર નિયંત્રિત કરવામાં આવે છે. છોડના મૂળિયાંને પાણીથી પલાળેલા રાખવામાં આવે છે. પાણીમાં જ પોષક તત્વોને નાખવામાં આવે છે, જેનાથી છોડનો વિકાસ થાય છે.

નોકરીથી ત્રણ ગણું કમાય છે

આ ટેકનીકમાં ઓછા પાણીની જરૂર હોય છે અને વાપરેલા પાણીને ફરીવાર વાપરી શકાય છે. ખાતરનો પણ ખર્ચ થતો નથી. કુલ મળીને આ માત્રને માત્ર ફાયદાનો સોદો છે. ગુરકિરપાલે જૈવિક ખેતીની મદદથી લાખો રૂપિયાના ટર્નઓવરવાળું સ્ટાર્ટઅપ એગ્રોપોનિક AGP ઊભું કરી લીધું. હવે તે નોકરી કરતા પણ ત્રણ ગણી વધુ આવક મેળવે છે. સાથે જ ઘણા લોકોને રોજગાર પણ આપી રહ્યા છે.