6 મહિના પછી મિગ 21ના કોકપિટમાં પહોંચ્યા અભિનંદન

નવી દિલ્હીઃ બાલાકોટ સ્ટ્રાઈક બાદ હુમલા માટે આવેલા પાકિસ્તાની વાયુ સેનાના F-16 જેટને ભગાડી તોડી પડનારા ભારતીય વાયુ સેનાના જાંબાઝ ફાઈટર પાયલટ વિંગ કમાન્ડર અભિનંદન વર્તમાન 6 મહિના બાદ મિગ-21 વિમાનના કોકપિટમાં પહોંચ્યા છે. જી હા, અભિનંદને ફરીથી જેટ ઉડાવાનું શરૂ કરી દીધું છે. 27 ફેબ્રુઆરીએ પાકિસ્તાની વિમાનને ડોગ ફાઈટમાં પોતાના મિગ-21 બાઈસન તૂટી પડ્યા બાદ પોતાના જેટથી ઈજેક્ટ થયા તો પાક અધિકૃત કાશ્મીર (POK)માં પડ્યા હતા. તે સમયે સ્થાનીક લોકોએ તેમની સાથે મારપીટ કરી હતી. સેનાના ઉચ્ચ અધિકારીઓએ જણાવ્યું કે, ‘તેમણે (અભિનંદને) વિમાન ઉડાવવાનું શરૂ કરી દીધું છે. હાલમાં અભિનંદન રાજસ્થાનમાં ભારતીય વાયુસેનાના બેઝ પર સેવા આપી રહ્યા છે.’ ભારતના દબાણને કારણે પાકિસ્તાને તેમને 1 માર્ચના રોજ રિલીઝ કરવા પડ્યા. સ્વદેશી વાપસી બાદ તેમને ડિબ્રિફિંગ પ્રક્રિયાથી પસાર થવું પડ્યુ અને વાયુ સેના તે બાબતની તપાસ કરી રહી છે કે પાકિસ્તાને તેમના શરીરમાં કોઈ ચિપ તો ફિટ કરી નથી. જોકે અભિનંદન તમામ ટેસ્ટમાં સફળ રહ્યા અને સ્વાસ્થ્યમાં સુધારા બાદ તેઓ ફરી ડ્યૂટી પર પરત ફર્યા છે. વાયુસેનાના બેંગલુરું સ્થિતિ ઈન્સ્ટિટ્યૂટ ઓફ એરોસ્પેસ મેડિસિને અંદાજીત 3 અઠવાડિયા પહેલા અભિનંદનની મેડિકલ તપાસ કરવામાં આવી. ત્યાર બાદ તેમને વિમાન ઉડાવવા માટેની પરવાનગી આપવામાં આવી છે. અભિનંદનને મિગ બાઈસરથી અત્યાધુનિક પાકિસ્તાની એફ-16 લડાકૂ વિમાન તોડી પાડવા બદલ વીર ચક્રથી સમ્માનિત કરવામાં આવ્યા.