જુસ્સો અને જવાબદારી: દીકરીને જન્મ આપ્યાના 22 દિવસ પછી તરત જ ઓફિસ પહોંચ્યા IAS

તેજસ ચૌહાણ, ગાઝિયાબાદઃ કોરોનાકાળમાં અનેક લોકો એવા છે જેઓ પોતાની જવાબદારી સુપેરે જાણે છે. ગમે તેવી સ્થિતિ હોય તો પણ ફરજને પહેલા પ્રાધાન્ય આપે છે. આવી જ રીતે મોદીનગરના એસડીએમ પદ પર તૈનાત આઈએએસ સૌમ્યા પાંડેયએ કોરોના કાળમાં એક નાની લાડલી દીકરીને જન્મ આપ્યો હતો. મોટી વાત તો એ છે કે કોવિડ 19ની આ મહામારીના ભયાનક સમયમાં પોતાની જવાબદારી સમજતા માત્ર 22 દિવસ પછી જ ઓફિસે પહોંચીને પદભાર ગ્રહણ કર્યો હતો. પોતાની જવાબદારી સાથે જ દીકરીની પણ સારસંભાળ લેતા પોતાની જવાબદારી નીભાવી રહ્યાં છે.

2017 બેચના આઈએએસ અધિકારી
મૂળ પ્રયાગરાજની રહેવાસી સૌમ્યા પાંડેય 2017 બેચના આઈએએસ અધિકારી છે. હાલ ગાઝિયાબાદમાં મોદીનગર એસડીએમના પદ પર જવાબદારી નીભાવી છે. સૌમ્યા પાંડેએ નિયુક્તિ પછીથી જ આ કોરોના કાળમાં સુંદર રીતે કામ કર્યું છે. આ દરમિયાન જ તેમણે એક દીકરીને જન્મ આપ્યો. સૌમ્યાએ દીકરીને જન્મ આપ્યા પછી માત્ર 22 દિવસની જ રજા લીધી અને ફરી કામ પર પરત ફર્યા છે. હવે તેઓ પોતાની ઓફિસમાં દીકરીને ખોળામાં લઈને કામ કરતા જોવા મળે છે.

બાળકીને ધ્યાનમાં રાખીને રાખે છે સાવધાની
આઈએએસ સૌમ્યા પાંડેએ જણાવ્યું કે જે પદ પર તેને રાખવામાં આવ્યા છે. તેને ન્યાય આપવાની જવાબદારી છે. કોરોના દરમિયાન તેઓ હોસ્પિટલનું પણ મોનિટરિંગ કરી ચૂક્યા છે. કોવિડ-19ને ધ્યાનમાં રાખતા તેઓ પોતાની સાથે જ છોકરીનું પણ વિશેષ ધ્યાન રાખે છે. દરેક ફાઈલને પણ તેઓ વારંવાર સેનિટાઈઝ કરતા રહે છે.

સૌમ્યાએ કહ્યું,'ગાઝિયાબાદ જિલ્લા વહીવટીતંત્રએ આપ્યો સાથ'
તેમણે જણાવ્યું કે, ગર્ભાવસ્થા દરમિયાનથી અત્યાર સુધી ગાઝિયાબાદ જિલ્લા વહીવટીતંત્રનો સાથ મળ્યો છે અને કર્મચારીઓએ પણ તેનો સાથ આપ્યો છે. દરેક કામો સમયસર પૂરા કર્યા છે. ગાઝિયાબાદ જિલ્લા વહીવટીતંત્રએ પરિવારની જેમ સાથ આપ્યો હતો. આ કારણે હવે તેનું કર્તવ્ય બને છે કે તે માતાનો ધર્મ બજાવતા પોતાની જવાબદારી નિભાવે છે.