બંગાળના IAS અને પટનાનાં લેડી IPS, પ્રેમ થયો અને ઓફિસમાં જ કર્યા લગ્ન

I am Gujarat

IAS અધિકારી અને IPS પત્ની

પશ્ચિમ બંગાળના હાવડા જિલ્લામાં એક આઈએએસ અધિકારીએ વેલેન્ટાઈન્સ ડે પર પોતાની આઈપીએસ ગર્લફ્રેન્ડ સાથે લગ્ન કર્યા હતાં. આઈએએસ તુષાર સિંગલા 2015 બેચના બંગાલ કેડરના અધિકારી છે અને હાવડામાં એસડીએમ છે. તેમણે બિહાર કેડરના આઈપીએસ અધિકારી નવજોત સિમ્મી સાથે પોતાની ઓફિસમાં જ લગ્ન કર્યા છે. એક તરફ નવદંપતી કપલને શુભેચ્છાઓ મળી રહી છે તો બીજી બાજુ પોતાની ઓફિસમાં જ લગ્ન કરવાના કારણે તુષાર પર સવાલ પણ ઉઠી રહ્યાં છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

ઓફિસમાં લગ્ન પછી કરાવ્યું રજિસ્ટ્રેશન

હકીકતમાં, શુક્રવારે તુષારે પોતાની ઓફિસમાં જ લગ્ન કરવા અંગે રજિસ્ટ્રેશનની ઔપચારિકતા પૂરી કરી છે. રજિસ્ટ્રેશન પછી આ જોડી પૂજા-પાઠ માટે મંદિર પણ ગયું હતું.

ઓફિસમાં લગ્ન પર ઉઠ્યા સવાલ

આ મામલે રાજ્યમંત્રી અને હાવડા જિલ્લાના અધ્યક્ષ અરુપ રૉયને સવાલ કરવામાં આવ્યો તો તેમણે કહ્યું કે,’આમાં કશું જ ખોટું નથી. લગ્ન એક કાયદાકિય પ્રક્રિયા છે. આ કારણે મને નથી લાગતું કે સરકારી ઓફિસમાં બે લોકોના લગ્નમાં કોઈ મુશ્કેલી હોય.’

વેડિંગ શૂટમાં સજ્જ કપલ

નવજોત સિમ્મી 2018 બેચના આઈપીએસ અધિકારી છે. બન્ને પંજાબના રહેવાસી છે. લગ્ન દરમિયાન તુષાર સિંગલા સૂટ-બૂટમાં જોવા મળ્યા હતાં તો નવજોત સિમ્મી લાલ સાડીમાં તૈયાર થયા હતાં. લગ્ન પછી બન્નેએ વેડિંગ શૂટ પણ કરાવ્યું હતું.