હવે મહારાષ્ટ્રમાં દરિયાના પેટાળમાં ફરવાની મોજ માણી શકશે ટુરિસ્ટ, ફરવા જાવ ત્યારે ચૂકતા નહીં

મુંબઈઃ ઓસ્ટ્રેલિયામાં ટેક્નોલોજી કંપની ઉબર દ્વારા અંડરવોટર સબમરીન સર્વિસ શરુ કરવા અંગે અહેવાલો આવ્યા હતા. જોકે આવી સર્વિસનો લુત્ફ ઉઠાવવા માટે હવે તમારે ઓસ્ટ્રેલિયા જવાની જરુર નથી. ટૂંકમાં જ આવી સેવાનો આનંદ ભારતીયો પણ ઉઠાવી શકશે અને તે પણ ભારતમાં જ, પ્રાપ્ત થતી જાણકારી અનુસાર મહારાષ્ટ્રમાં પ્રવાસીઓને આકર્ષવા માટે રાજ્ય પ્રવાસન વિભાગ ટુરિસ્ટ સબમરિન સેવા શરુ કરવા અંગે તૈયારી કરી રહ્યો છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: અહેવાલ મુજબ આ યોજના માટે રાજ્ય સરકાર તરફથી 25 કરોડ રુપિયાની રકમ પણ મળી ચૂકી છે. હવે ટૂંકમાં જ આ યોજનાને શરુ કરવા માટે ટેન્ડર પ્રક્રિયા હાથ ધરવામાં આવી શકે છે. મહારાષ્ટ્ર ટુરિઝમ ડેવલોપમેન્ટ કોર્પોરેશનના એમડી અભિમન્યુ કાળેએ કહ્યું કે, ‘સિંધુદુર્ગ ફરવા આવતા પ્રવાસીઓ માટે ટુરિસ્ટ સબમરિનની શરુઆથ કરવામાં આવી શકે છે.’ કાળેએ વધુ માહિતી આપતા જણાવ્યું કે, ‘સબમરિનમાં 24 લોકોને બેસવાની સુવિધા હશે. તેમજ 20 મિનિટ સુધી આ સબમરિન દરિયાની અંદર પ્રવાસીઓને લઈને ફરશે. કેટલાક સમય પહેલા સરકારે આ માટે રુ. 25 કરોડ ફાળવી આપ્યા છે. પરંતુ આચાર સંહિતાના કારણે આ દિશામાં ખાસ કોઈ કામ કરવામાં આવ્યું નહોતું. હવે આ માટે ફરીથી કામ શરુ થઈ ગયું છે. આશા છે કે વર્ષના અંત સુધીમાં આ સર્વિસનો આરંબ થઈ જશે અને અહીં આવતા પ્રવાસીઓ સબમરિનમાં પ્રવાસ કરવાનો રોમાંચ માણી શકશે.’