PM મોદીનું વેઈબો પર હતું એકાઉન્ટ
વેઈબો પર પીએમ મોદી અત્યાર સુધીમાં 100થી વધુ પોસ્ટ્સ કરી ચૂક્યા છે અને તેમના 2 લાખથી વધુ ફોલોઅર્સ અહીં છે. તેમની સૌથી પહેલી પોસ્ટમાં તેમણે લખ્યું હતું, હેલ્લો ચીન! ચાઈનીઝ મિત્રો સાથે Weibo દ્વારા સંવાદ કરવા માટે ઉત્સાહી છું.' જોકે હાલમાં ચીન સાથે થયેલા તણાવ બાદ પીએમ મોદીએ આ એપમાંથી પોતાનું એકાઉન્ટ ડિલીટ કરી નાખ્યું હતું.
બંને એપ્સને ગૂગલ-એપલ એપ સ્ટોર પરથી હટાવાશે
બાઈડુનું ભારતમાં સૌથી જાણીતી પ્રોડક્ટ ફેસમોજી કીબોર્ડ છે. આ વર્ષે જાન્યુઆરીમાં IIT- મદ્રાસ કેમ્પસમાં આવેલા કંપનીના CEO રોબિન લીએ કહ્યું હતું કે, કંપની ભારતમાં પોતાની એન્ગેઝમેન્ટ વધારવા ઈચ્છે છે. આ બંને એપ્સ ચીનની ફ્લેગશીપ ઈન્ટરનેટ પ્રોડક્ટ છે. અમારા સહયોગી TOIના સૂત્રો મુજબ, બંને એપ્સમાં ગૂગલ પ્લે સ્ટોર અને એપલ એપ સ્ટોર પરથી હટાવવા માટે કહેવાયું છે, જ્યારે ઈન્ટરનેટ સર્વિસ પ્રોવાઈડર્સને પણ તેને બ્લોક કરવા કહેવાયું છે.
આગામી દિવસોમાં વધુ એપ્સ બ્લોક થશે
અધિકારીક સૂત્રોએ જણાવ્યું કે, 'આ બંને એપ્લિકેશન 27 જુલાઈએ સરકારે બ્લોક કરેલી 47 ચાઈનીઝ એપ્લિકેશનોમાંથી એક છે.' આ સાથે એવી પણ જાણકારી આપી કે સરકારી આગામી સમયમાં ચીનની વધુ કેટલીક એપ્લિકેશનો બ્લોક કરવા પર વિચારણા કરી રહી છે.
આ પહેલા 59 એપ્સ બ્લોક કરી હતી
ઉલ્લેખનીય છે કે લદ્દાખમાં ભારત અને ચીનના સૈનિકો વચ્ચે થયેલી હિંસક અથડામણમાં દેશના 20 જવાનો શહીદ થયા હતા. સરહદ પણ ઉગ્ર માહોલ વચ્ચે 29 જૂને કેન્દ્ર સરકારે ટિકટોક, યુસી બ્રાઉઝર, હેલો, લાઈકી, કેમ સ્કેનર, વી ચેટ સહિત 59 એપ્સ પર પ્રતિબંધ મૂક્યો હતો. આ બાદ 27મી જુલાઈએ પણ સરકારે ચીનની 47 એપ્સ પર પ્રતિબંધ મૂક્યો હતો પરંતુ તેનું લિસ્ટ પબ્લિકમાં જાહેર નહોતું કરાયું.