BSF જવાનની ક્રૂર હત્યાનો ભારતે લીધો બદલો?

I am Gujarat

સરહદ પર મોટી કાર્યવાહીનો આપ્યો સંકેત

મુઝફ્ફરનગર: ગૃહમંત્રી રાજનાથ સિંહે શુક્રવારે મુઝફ્ફરનગરમાં શહીદ સ્મારક પર સરદાર ભગત સિંહની પ્રતિમાનું લોકાપર્ણ કર્યું અને કાર્યક્રમમાં સંબોધન કર્યું. અહીં પોતાના ભાષણ દરમિયાન તેમણે સરહદ પર કોઈ મોટી કાર્યવાહીનો સંકેત આપ્યો. તેમના ભાષણ બાદ લોકો જાત-ભાતના કયાસ લગાવી રહ્યા છે.

રાજનાથ સિંહે શું કહ્યું?

BSFને આપી છે આ સૂચના

તેમણે મંચ પર બેઠેલા લોકોને પૂછ્યું, તમને લોકોને ખબર છે? તેમણે વધુમાં જણાવ્યું કે, ‘કંઈક થયું છે અને આગળ પણ જોશો ઘણું બધું થશે. મેં આપણા બીએસએફ જવાનોને કહ્યું છે કે પાકિસ્તાન આપણું પડોશી છે, બસ પહેલી ગોળી ન ચલાવતા અને જો ત્યાંથી એક ગોળી ચાલે તો તમારી ગોળી ગણતા નહીં.’

‘ભારત-ચીન બોર્ડર પર હવે માત્ર થાય છે ધક્કા-મુક્કી’

તે ઉપરાંત ભારત-ચીન બોર્ડર પર તણાવને લઈને રાજનાથ સિંહે કહ્યું કે, ‘મેં જવાનોને પૂછ્યું કે, ઈન્ડો-ચાઈના બોર્ડર પર શું થાય છે? તો તેમણે જણાવ્યું કે, એ તરફથી લોકો આવે છે, ફેસ-અપ થાય છે. એ લોકો પણ હથિયાર નથી કાઢતા, અમે લોકો પણ હથિયાર નથી કાઢતા. પછી એકબીજાને ધક્કા-મુક્કી કરે છે અને તે પાછા જતા રહે છે.’ તેમણે કહ્યું કે, ‘તમે કલ્પના કરો કે તે આ એ જ ચીન છે, જેણે ભારત પર હુમલો કર્યો હતો. આજે ભારત-ચીન બોર્ડર પર માત્ર ધક્કા-મુક્કી થાય છે અને એકબીજાને થેક્યું કહીને જતા રહે છે. તેનો અર્થ એ થાય છે કે, ભારત હવે એક નબળો દેશ નથી રહ્યો, પરંતુ ભારત પણ દુનિયાનો એક શક્તિશાળી દેશ બની ગયો છે.’