પ્રતિકાત્મક તસવીર નવી દિલ્હી: ભારતીય સેનાની એર ડિફેન્સ સિસ્ટમને મજબૂત કરવા માટે ઈઝરાયલના સહયોગથી મીડિયમ રેન્જની સરફેસ ટુ એર મિસાઈલ સિસ્ટમ વિકસિત કરવાનો નિર્ણય કરાયો છે. તેની રેન્જ 70 કિલોમીટર હશે. આ મિસાઈલ સિસ્ટમને ભારતીય સેનાના તાત્કાલિક ઓપરેશનની જરૂરિયાત તરીકે જોવામાં આવી રહી છે.
17 હજાર કરોડ રૂપિયાનો પ્રોજેક્ટ
પ્રતિકાત્મક તસવીર સેના અને સંરક્ષણ સંગઠન ડીઆરડીઓએ મિસાઈલ સિસ્ટમ માટે તાજેતરમાં જ સંમતિ પત્ર પર હસ્તાક્ષર કર્યા છે. 17 હજાર કરોડ રૂપિયાના આ પ્રોજેક્ટમાં 3-3 મિસાઈલવાળા 4 લોન્ચર હશે. આ પ્રોજેક્ટ હાલ એક રેજિમેન્ટને કવર કરશે, જ્યારે 5 રેજિમેન્ટોમાં તેની જરૂરિયાત હોવાનું મનાઈ રહ્યું છે. હાલ મીડિયમ રેન્જમાં ભઆરતની પાસે બે મિસાઈલ સિસ્ટમ છે, 10 કિલોમીટર ક્ષમતાવાળી ઓએસએ-એકે અને 24 કિલોમીટર ક્ષમતાવાળી ક્વાદ્રથ સિસ્ટમ.
મોદીના ઈઝરાયલ પ્રવાસ બાદ આગળ વધ્યો પ્રોજેક્ટ
મિસાઈલ સિસ્ટમનો વિકાસ ઈઝરાયલની કંપની આઈએઆઈના સહયોગથી થશે. વડાપ્રધાન નરેન્દ્ર મોદીના તાજેતરના ઈઝરાયલ પ્રવાસ બાદ આ પ્રોજેક્ટ આગળ વધવો મહત્વનું છે. આ પ્રોજેક્ટ મેક ઈન ઈન્ડિયા માટે પણ મહત્વનો હશે, કેમકે મિસાઈલ સિસ્ટમના મોટાભાગના ઉપકરણો સ્વદેશી હશે. આ પ્રોજેક્ટમાં ભારતના ડિફેન્સ પીએસયુ અને પ્રાઈવેટ ઈન્ડસ્ટ્રીને પણ ભાગ લેવાની તક મળશે.
આ હશે મિસાઈલ સિસ્ટમની ખાસિયતો
પ્રતિકાત્મક તસવીર આર્મીની એર ડિફેન્સ ક્ષમતા મજબૂત કરવા ઉપરાંત ત્રણ સેનાઓની ક્ષમતાને એકસરખી બનાવવા માટે આ મિસાઈલ સિસ્ટમને જરૂરી સમજવામાં આવી રહી છે. મિસાઈલ સિસ્ટમ 50 કિલોમીટરના અંતર સુધી એક સાથે ઘણા હવાઈ નિશાનો સાધી શકે છે. સૂત્રોએ જણાવ્યું કે, આ સિસ્ટમ ઘણી જ એડવાન્સ્ડ અને દરેક મોસમમાં કામ કરી શકે તેવી હશે. આ મોબાઈલ સિસ્ટમમાં 360 ડિગ્રી મૂવમેન્ટની ક્ષમતા હશે. તે બેલેસ્ટિક મિસાઈલો, એરક્રાફ્ટ, હેલિકોપ્ટર અને ડ્રોન નષ્ટ કરી શકે છે.
વિપુલ પટેલ છેલ્લા 19 વર્ષ કરતા વધુ સમયથી પત્રકારના ક્ષેત્રમાં છે. કારકિર્દીની શરૂઆતમાં ક્રાઈમ, કોર્ટ અને મ્યુનિસિપલ કોર્પોરેશનનું રિપોર્ટિંગ કરવા ઉપરાંત તેઓ ન્યૂઝ એડિટિંગના કામનો પણ બહોળો અનુભવ ધરાવે છે. તેમણે ગુજરાત યુનિવર્સિટીમાંથી ગ્રેજ્યુએશન (બીએ વિથ ઈંગ્લિશ) કર્યું છે. ત્યારબાદ ડિપ્લામા ઈન જર્નાલિમઝ કરી પત્રકારના ક્ષેત્રમાં જોડાયા. તેઓ વેસ્ટર્ન ટાઈમ્સ, આજકાલ, સંદેશ અને દિવ્ય ભાસ્કર જેવા અખબારોમાં એડિટિંગનું કામ અને દિવ્ય ભાસ્કરની વેબસાઈટમાં પણ કામ કરી ચૂક્યા છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.