ઈન્ડિયન એર ફોર્સ કોઈપણ પ્રકારના યુદ્ધ માટે તૈયાર: એર ચીફ માર્શલ

નવી દિલ્હી: કારગિલના યુદ્ધને 20 વર્ષ પૂરા થવા પર ભારતીય હવાઈ દળના ચીફ બીએસ ધનોઆએ પાકિસ્તાનને ઈશારામાં જ ચેતવણી આપી દીધી છે. તેમણે કહ્યું કે, જો ફરી કારગિલ થયા છે તો તેના માટે અમે સંપૂર્ણ રીતે તૈયાર છીએ. મંગળવારે તેમણે સ્પષ્ટ કહ્યું કે, બધા સારા જનરલોની જેમ અમે છેલ્લી જંગ લડવા માટે તૈયાર છું. તેમનો ઈશારો સ્પષ્ટ છે કે હવે પાકિસ્તાને કોઈ હરકત કરી તો તેને મોટું નુકસાન ઉઠાવવું પડશે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો નવી દિલ્હીમાં ‘ઓપરેશન સફેદ સાગરના 20 વર્ષ’ વિષય પર આધારિત સેમિનારને સંબોધિત કરતા ધનોઆએ કહ્યું કે, કારગિલ જેવો સંઘર્ષ થાય, આતંકવાદી હુમલાનો જવાબ કે પછી ઓલ-આઉટ વોર હોય, કોઈપણ પ્રકારની લડાઈ માટે ભારતીય હવાઈ દળ તૈયાર છે. ઉલ્લેખનીય છે કે, કારગિલ યુદ્ધ સમયે ધનોઆ 17 સ્ક્વાડ્રનના કમાન્ડિંગ ઓફિસર હતા અને શ્રીનગરથી ઓપરેટ કરી રહ્યા હતા. તેમણે એ સમયના હવાઈ એક્શનને યાદ કરતા જણાવ્યું કે, એ પહેલી વખત હતું કે, જ્યારે મિગ-21 એરક્રાફ્ટે પહાડો પર રાત્રે બોંબ મારો કર્યો હતો. ઓપરેશન વિજય દરમિયાન કારગિલમાં ઘૂસેલા ઘૂસણખોરોને ખદેડવા માટે એર ફોર્સે ઓપરેશન સેફદ સાગર ચલાવ્યું હતું. તેમણે 1999માં રહેલી ઓપરેશનલ મર્યાદાઓ ઉપરાંત સંઘર્ષ દરમિયાન મુશ્કેલીઓને ઓછી કરવા માટે IAF દ્વારા ઉઠાવાયેલી ઈનોવોટિવ રીતો પર પણ ચર્ચા કરી. ઉલ્લેખનીય છે કે, એર ફોર્સ ચીફે એવા સમયે પાકિસ્તાનને ચેતવણી આપી છે કે જ્યારે પાંચ મહિના સુધી એર સ્પેસને બંધ રાખ્યા બાદ થોડા કલાકો પહેલા જ પાડોશી દેશે પ્રતિબંધ હટાવ્યો છે. ધનોઆએ કહ્યું કે, ‘જો જરૂર પડી તો અમે દરેક મોસમમાં, ત્યાં સુધી કે આકાશમાં વાદળ છવાયેલા રહેવા પર પણ તદ્દન સટિક બોંબ મારો કરી શકીએ છીએ. આપણે 26 ફેબ્રુઆરીએ આવો જ એક હુમલો (બાલાકોટ સ્ટ્રાઈક) જોઈ ચૂક્યા છીએ, જે દૂરથી તદ્દન સટીક હુમલો કરવાની આપણી તાકાતને દર્શાવે છે.’ તેમણે જણાવ્યું કે, કારગિલ યુદ્ધ પછી એર ફોર્સની ક્ષમતા ઘણી વધી છે અને હવે IAF પારંપરિક અને બિન-પારંપરિક યુદ્ધના સમયે કોઈપણ પ્રકારના હવાઈ ખતરાનો સામનો કરી શકે છે. ધનોઆએ જણાવ્યું કે, કારગિલ સંઘર્ષ દરમિયાન સટીક બોંબ મારો કરવાની ક્ષમતા માત્ર મિરાજ-2000 ફાઈટર પ્લેનમાં હતી, પરંતુ હવે સુખોઈ-30, જગુઆર, મિગ-29 અને મિગ-27 અપગ્રેડેડ એરક્રાફ્ટમાં પણ એ ક્ષમતા છે. એટલું જ નહીં, હવાઈ દળની પાસે આધુનિક મિસાઈલો અને હવાઈ વોર્નિંગ સિસ્ટમ પણ છે.