એક બાઈક પર 58 જવાન, બન્યો વર્લ્ડ રેકોર્ડ

I am Gujarat

બોર્ડર સુધી જ સીમિત નથી આર્મીનું સાહસ

બેંગલુરુ: આર્મી કાયમ તેના સાહસનો પરિચય આપતી રહે છે. આર્મીના કારનામા માત્ર બોર્ડર સુધી જ મર્યાદિત નથી રહેતા, પરંતુ તે વર્લ્ડ રેકોર્ડ પણ બનાવતી રહે છે.

1200 મીટર સુધી ચલાવી બાઈક

આ જ ક્રમમાં પોતાના સાહસનો પરિચય આપતા આર્મી સર્વિસ કોર્પ્સ (એએસપી)ના 58 જવાનોએ એક 500 સીસીની રોયલ એનફિલ્ડ બાઈક પર સવાર થઈ ગિનેસ બુક ઓફ વર્લ્ડ રેકોર્ડમાં પોતાનું નામ નોંધાવ્યું છે. આ બાઈક જવાનોએ 1200 મીટર સુધી ચલાવી. એએસસીના જવાનોની આ ટીમ ‘ટોરનેડોઝ’ના નામથી ઓળખાય છે.

બેંગલુરુમાં કરી બતાવ્યું કારનામુ

એએસસીના 58 જવાનોએ બેંગલુરુના ઈન્ડિયન એરફોર્સ સ્ટેશન પર આ કારનામુ કરી બતાવ્યું. આ ટીમને મેજર બન્ની શર્માએ લીડ કરી હતી.

કપડાં પણ હતા ત્રણ રંગમાં

બાઈક પર સવાર બધા જવાનોએ તિરંગામાં રહેલા ત્રણ રંગ કેસરી, સફેદ અને લીલા રંગના કપડાં પહેર્યા હતા.

રેકોર્ડ બનાવવાનો હતો ત્રીજો પ્રયાસ

રોયલ એનફિલ્ડને સુબેદાર રામપાલ યાદવ ચલાવી રહ્યા હતા. ટીમને આ સ્ટંટની તૈયારીમાટે માત્ર બિસ્કિટ અને 100 એમએલ પાણી પીધું હતું. એએસસીના જવાનો દ્વારા રેકોર્ડ બનાવવાનો આ ત્રીજો પ્રયાસ હતો.

જુઓ વીડિયો….

ઉલ્લેખનીય છે કે, એએસસીની ટીમના નામે 20 વર્લ્ડ અને નેશનલ રેકોર્ડ નોંધાયેલા છે. આ રેકોર્ડનો એક વીડિયો એડિશન ડાયરેક્ટર જનરલ ઓફ પબ્લિક ઈન્ફોર્મેશનના પેજ પર પણ શેર કરાયો છે.