કમાલ! મહિલા અને નવજાતને ખભ્ભા પર ઉપાડી બરફમાં 6 કિલોમીટર ચાલ્યા સૈનિકો

ગોવિંદ ચૌહાણ, શ્રીનગરઃ જમ્મુ-કાશ્મીરમાં સેના માત્ર આતંકવાદીઓ સામેના ઓપરેશન જ પાર નથી પાડતી પરંતુ જરુરિયાત ઉભી થાય તો સામાન્ય જનતાની મદદ માટે પણ હંમેશા તૈયાર રહે છે. કાશ્મીરમાં હાલ બરફવર્ષા થઈ રહી છે. આ બરફવર્ષા દરમિયાન પણ ભારતીય સેના લોકોની મદદ માટે તૈયાર છે. સેનાએ શનિવારે કુપવાડા જિલ્લાના લોલાબમાં એક મહિલા તથા તેના નવજાત બાળકોને ખભ્ભે ઉપાડીને 6 કિલોમીટર પગપાળા સફર નક્કી કરીને તેને ઘર સુધી પહોંચાડ્યા હતાં. હવે આ ઘટનાના લોકો ખૂબ જ વખાણ કરી રહ્યાં છે.

માગવામાં આવી સેનાની મદદ
જાણકારી અનુસાર, સેનાની 28 આરઆર પાસે ફોન પર એક મદદ માગવામાં આવી હતી. ફારુક કસાના નિવાસી દર્દપોરા લોલાબ તરફથી સેનાના ઓફિસરને ફોન કરવામાં આવ્યો હતો. તેમણે જણાવ્યું કે તેઓ હોસ્પિટલમાં છે. તેની પત્નીએ બાળકને જન્મ આપ્યો છે, જોકે, તે તેને ઘરે નથી પહોંચાડી શકતો કારણકે સતત બરફવર્ષા ચાલુ જ છે તેમજ રોડ પણ બંધ છે. તેની તરફથી સેના પાસેથી મદદ માગવામાં આવી હતી. જે પછી 28 આરઆરના ઓફિસર્સે તરત જ એક ટીમ મદદ માટે મોકલી હતી. ટીમ હોસ્પિટલમાં પહોચી હતી.


બરફમાં 6 કિલોમીટરની સફર
મહિલા તથા તેના બાળકોને ખભ્ભે ઉઠાવીને ભારી બરફવર્ષા વચ્ચે 6 કિલોમીટર પગપાળા સફર કરવામાં આવી હતી. જે પછી તેને તરત જ ઘરે પહોંચાડવામાં આવ્યા હતાં. સેનાએ ઉઠાવેલા આ પગલાના વખાણ ચારેબાજુ થઈ રહ્યાં છે. સેનાના ઓફિસર્સે જણાવ્યું હતું કે તેને એક ફોન આવ્યો હતો. સેનાના ઓફિસર્સ હંમેશા જનતાની મદદ માટે તૈયાર રહે છે આ કારણે ફોન આવ્યા પછી ટીમ મોકલીને તેને ઘરે પહોંચાડવામાં આવ્યા હતાં. નોંધનીય છે કે આ રીતે સેના તરફથી કેટલાક દિવસો પહેલા એક ગર્ભવતી મહિલાને ખભ્ભે ઉઠાવીને હોસ્પિટલમાં પહોંચાડવામાં આવી હતી. કાશ્મીરમાં ભારે બરફવર્ષાના કારણે રસ્તાઓ બંધ છે. આથી સેના તરફથી લોકોની મદદ માટે કામ કરવામાં આવી રહ્યું છે.