કોરોનાનો ફફડાટ: 31મી માર્ચ સુધી દેશભરમાં પહેલીવાર તમામ પેસેન્જર ટ્રેન્સ રદ કરી દેવાઈ

નવી દિલ્હીઃ કોરોના સંક્રમણને રોકવા માટે ભારતીય રેલવે દ્વારા ખૂબ મોટો નિર્ણય કરતા 31 માર્ચ સુધી તમામ પ્રવાસી ટ્રેનનો વ્યવહાર બંધ કરવાનો નિર્ણય લેવામાં આવ્યો છે. રેલવેએ જણાવ્યું કે તમામ લાંબા અંતરની ટ્રેન, એક્સપ્રેસ અને ઇન્ટરસિટી ટ્રેન ઉપરાંત પ્રીમિયમ ટ્રેનનો વ્યવહાર આગામી 31 માર્ચ રાતના 12 વાગ્યા સુધી બંધ રાખવાનો નિર્ણય કરવામાં આવ્યો છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:રેલવે વિભાગના આ નિર્ણયથી અંદાજે 12500 જેટલી ટ્રેનના વ્યવહાર પર અસર પડશે. જોકે કેટલીક સબ અર્બન ટ્રેન જેની સંખ્યા 500 સુધી થાય છે તે હાલ શરું રહેશે. ભારતીય રેલવે દરરો અંદાજે 9000 જેટલી પેસેન્જર અને 3500 જેટલી મેઇલ એક્સપ્રેસ ટ્રેન ઓપરેટ કરે છે.તાજેતરમાં કેટલાક રેલવે પ્રવાસીઓ કોરોના વાયરસના સંક્રમિત હોવા છતા બેદરકારી પૂર્વક ટ્રેન પ્રવાસ કરતા જોવા મળ્યા હતા. જેના કારણે હજારો લોકોના જીવ જોખમમાં મુકાયા છે. જેને લઈને રેલવે વિભાગ એલર્ટ થઈ ગયું હતું અને લોકોને ટ્રેનમાં પ્રવાસ ન કરવા માટે સૂચના આપી હતી. રેલવે મંત્રાલયે ટ્વિટ કરીને કહ્યું કે, ‘રેલવેએ ટ્રેનમાં પ્રવાસ કરી રહેલા કેટલા લોકોને કોરોના સંક્રમિત હોવાનું જાણ્યું છે. જેના કારણે ટ્રેન દ્વારા કોઈ પ્રવાસ જોખમી બન્યો છે. જેથી કરીને ટ્રેનમાં પ્રવાસ કરવાથી બચવાની અમે સલાહ આપીએ છે. કેમ કે જો તમારો કોઈ સહયાત્રી કોરોના પોઝિટિવ હોય તો તેમને પણ ચેપ આપી શકે છે.’રેલવેએ લોકોને અપીલ કરતા કહ્યું કે તમારી અને તમારા પ્રિયજનોની સુરક્ષા માટે તમામ પ્રકારનો પ્રવાસ હાલની સ્થિતમાં ટાળી દો. જેના કારણે ખૂબ મોટી સંખ્યામાં લોકોને ટિકિટ કેન્સલ કરાવી છે. તો રેલવેએ પણ 31 માર્ચ સુધી ઘણી ટ્રેનો રદ કરી દીધી છે.દેશ કોરોના સામે લડી રહ્યો છે ત્યારે તેની સામે એક જ હથિયાર આપણી પાસે છે સોશિયલ ડિસ્ટન્સિંગ એટલે કે લોકોએ એકબીજાથી અંતર જાળવવું. જેના ભાગ રુપે આજે જનતા કર્ફ્યુ કરવામાં આવ્યો છે. જોકે ઈમર્જન્સી સેવા, કરિયાણા, ડેરી જેવી જીવનજરુરિયાતની સેવાઓ શરું છે.Video: અમદાવાદઃ SG હાઈવે પર ગોતા ચાર રસ્તા બન્યા સૂમસામ